ព័ត៌មានជាតិ

ឯកឧត្តម តូច ចាន់កុសល អញ្ជើញជាអធិបតីភាពក្នុងពិកិច្ចប្រជុំគណៈកម្មាធិការសម្របសម្រួលរួម (Joint Coordinating Committee) លើកទី៤ នៃ “គម្រោងអភិវឌ្ឍន៍សមត្ថភាព លើការគ្រប់គ្រងប្រព័ន្ធលូទឹកកខ្វក់របស់រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន”

February 23, 2023 cktv Comment(0)

(ភ្នំពេញ)៖ ឯកឧត្តម តូច ចាន់កុសល រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន នាព្រឹកថ្ងៃទី២៣ ខែកុម្ភៈ ឆ្នាំ២០២៣ បានអញ្ជើញជាអធិបតីក្នុងកិច្ចប្រជុំគណៈកម្មាធិការសម្របសម្រួលរួម (Joint Coordinating Committee) លើកទី៤ នៃ “គម្រោងអភិវឌ្ឍន៍សមត្ថភាព លើការគ្រប់គ្រងប្រព័ន្ធលូទឹកកខ្វក់របស់រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន” ក្រោមកិច្ចសហប្រតិបត្តិការបច្ចេកទេសរបស់ទីភ្នាក់ងារសហប្រតិបត្តិការអន្តរជាតិជប៉ុន (JICA) ដោយមានការចូលរួមពីថ្នាក់ដឹកនាំក្រសួងទទួលបន្ទុក ថ្នាក់ដឹកនាំក្រសួងពាក់ព័ន្ធ ឯកឧត្តមអភិបាលរងរាជធានីភ្នំពេញ មន្ត្រីស្ថានទូតជប៉ុនប្រចាំកម្ពុជា និងក្រុមការងារទីភ្នាក់ងារJICA ប្រចាំកម្ពុជាជាច្រើនរូបផងដែរ។

កិច្ចប្រជុំនេះត្រូវបានរៀបចំឡើងដើម្បីពិនិត្យវឌ្ឍនភាពការងារ លទ្ធផលសំខាន់ៗ និងផែនការសកម្មភាពរបស់គណៈកម្មាធិកា រសម្របសម្រួលរួមគម្រោងអភិវឌ្ឍន៍សមត្ថភាពលើការគ្រប់គ្រងប្រព័ន្ធលូទឹកកខ្វក់ របស់រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន លើកទី៤នេះ ដែលក្នុងនោះរួមមាន ការពិនិត្យរៀបចំអភិវឌ្ឍន៍ក្របខណ្ឌច្បាប់ពាក់ព័ន្ធ និងឯកសារគតិយុត្តផ្សេងៗត្រូវបានចាត់ទុកជាអាទិភាពការងារចម្បង របស់ក្រុមការងារ ដើម្បីសម្របសម្រួលលើការងារប្រតិបត្តិការ និងគ្រប់គ្រងទឹកកខ្វក់ទាំងថ្នាក់ជាតិ និងថ្នាក់ក្រោមជាតិ។

នៅក្នុងកិច្ចប្រជុំនេះ ទីភ្នាក់ងារJICA បានប្រគល់សេចក្តីព្រាងប្រកាស និងសេចក្តីព្រាងគោលការណ៍ណែនាំបច្ចេកទេស ជូនក្រសួងសាធារណការ និងដឹកជញ្ជូន ព្រមជាមួយសេចក្តីព្រាងដីកាជូនដល់សាលារាជធានីភ្នំពេញ ដើម្បីពិនិត្យនិងប្រើប្រាស់ផងដែរ។

លើកឡើងក្នុងពិធីបើកកិច្ចប្រជុំនាឱកាសនោះ ឯកឧត្តមរដ្ឋលេខាធិការប្រចាំការ បានលើកឡើងពីគម្រោងមួយចំនួនដែលក្រសួង និងគណៈកម្មធិការបានសហការជាមួយពីភ្នាក់ងារJICA ក្នុងវិស័យទឹកកខ្វក់ តាមរយៈជំនួយឥតសំណងមួយចំនួនដូចជា៖ គម្រោងការពារទឹកជំនន់មួយចំនួន គម្រោងអភិវឌ្ឍន៍ប្រព័ន្ធទឹកកខ្វក់ ដែលបានសាងសង់ស្ថានីយប្រព្រឹត្តិកម្មទឹកកខ្វក់ក្នុងរាជធានីភ្នំពេញជាដើម។ លើសពីនេះ ក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ (MLIT) នៃប្រទេសជប៉ុន និងទីភ្នាក់ងារការងារប្រព័ន្ធលូជប៉ុន បានកំពុងបន្តដំណើរការសិក្សាសមិទ្ធិលទ្ធភាព សម្រាប់ត្រើយខាងកើតទន្លេក្នុងក្រុងសៀមរាប និងក្រុងស្វាយរៀង ដោយផ្អែកលើអនុស្សរណៈនៃកិច្ចសហប្រតិបត្តិការ (MOC) ដើម្បីពង្រឹងកិច្ចសហប្រតិបត្តិការបច្ចេកទេសក្នុងវិស័យគ្រប់គ្រងប្រព័ន្ធទឹកខ្វក់ និងការផ្លាស់ប្តូរបច្ចេកទេសក្នុងវិស័យទឹកកខ្វក់នៃប្រទេសទាំងពីរ៕

cktv

ព័ត៌មានជាតិ

សម្តេចក្រឡាហោម ស ខេង អញ្ជើញជាអធិបតីភាពក្នុងទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១៤ ខេត្តកណ្តាល

May 25, 2023 cktv

ខេត្តកណ្តាល៖ក្នុងស្ថានភាពដែលប្រទេសកម្ពុជារក្សាបាននូវសុខសន្តិភាព និងស្ថេរភាពនយោបាយ វិស័យសេដ្ឋកិច្ច និងវិស័យគមនាគមន៍មានការរីកចម្រើន ព្រមជាមួយកំណើនយានយន្តមានការកើនឡើងជារៀងរាល់ឆ្នាំ។ ជាមួយគ្នានេះគ្រោះថ្នាក់ចរាចរណ៍កើតមានជារៀងរាល់ថ្ងៃ ទោះបីជាមានកម្រិតទាបជាងមុនក៏ដោយ ដែលធ្វើឱ្យរាជរដ្ឋាភិបាលបានណែនាំដល់អង្គភាពពាក់ព័ន្ធទាំងអស់រួមគ្នាធ្វើយ៉ាងណាទប់ស្កាត់ និងកាត់បន្ថយគ្រោះថ្នាក់ចរាចរណ៍នេះ ឱ្យនៅកម្រិតទាបបំផុត។សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មានប្រសាសន៍បែបនេះ ក្នុងឱកាសដែលសម្តេចអញ្ជើញជាអធិបតីដ៏ខ្ពង់ខ្ពស់ក្នុង ទិវាសប្តាហ៍ជាតិសុវត្ថិភាពចរាចរណ៍ផ្លូវគោកលើកទី១៤ ខេត្តកណ្តាល នៅព្រឹកថ្ងៃទី២៥ ខែឧសភា ឆ្នាំ២០២៣ នៅបរិវេណសួនច្បារមាត់ទន្លេបាសាក់ ក្រុងតាខ្មៅ ខេត្តកណ្តាល។ ជាមួយគ្នានោះដែរ សម្តេចក្រឡាហោម ស ខេង ក៏បានអំពាវនាវដល់បងប្អូនប្រជាពលរដ្ឋ ដែលជាអ្នកប្រើប្រាស់ផ្លូវគ្រប់ប្រភេទ និងក្រុមហ៊ុនដឹកជញ្ជូនទាំងអស់ សូមបើកបរប្រកបដោយការទទួលខុសត្រូវ និងគោរពច្បាប់ឱ្យបានខ្ជាប់ខ្ជួន ដោយមិនត្រូវបើកបរលើសល្បឿនកំណត់ មិនត្រូវបើកបរក្រោមឥទ្ធិពលគ្រឿងញៀនឬគ្រឿងស្រវឹង និងប្រើប្រាស់យានយន្តឱ្យបានត្រឹមត្រូវតាមលក្ខណៈស្តង់ដារ និងបច្ចេកទេសដែលបានកំណត់ ដើម្បីការពារសុវត្ថិភាព អាយុជីវិត និងទ្រព្យសម្បត្តិរបស់ខ្លួន ដោយគោរពតាមអនុសាសន៍របស់ប្រមុខរាជរដ្ឋាភិបាលសម្ដេចតេជោនាយករដ្ឋមន្ត្រី គឺ«ថ្ងៃនេះ ថ្ងៃស្អែកកុំឱ្យមានគ្រោះថ្នាក់ចរាចរណ៍»។ មន្ត្រីចរាចរណ៍ទាំងអស់ត្រូវធ្វើការពន្យល់ ណែនាំ និងអប់រំប្រជាពលរដ្ឋ មុននឹងធ្វើការផាកពិន័យបទល្មើសចរាចរណ៍ និងត្រូវគោរពសិទ្ធរបស់ប្រជាពលរដ្ឋ។ ការផាកពិន័យច្បាប់ចរាចរណ៍ត្រូវផ្អែកលើគោលការណ៍ច្បាប់ ដែលមានជាធរមាន និងអនុវត្តឱ្យបានស្មើភាពគ្នា ដោយមិនបែងចែកឬប្រកាន់បក្សពួកនោះទេ។ ទន្ទឹមនឹងនោះរាល់ការផាកពិន័យត្រូវចេញវិក័យប័ត្រ និងយោងតាមមាត្រាច្បាប់ឱ្យបានត្រឹមត្រូវ ជៀសវាងការយកច្បាប់ចរាចរណ៍ធ្វើអាជីវកម្ម […]

ព័ត៌មានជាតិ

លោក មុឹង វីរីយ៉ា ប្រធានមន្ទីរការងារ និងអាជ្ញាធរពាក់ព័ន្ធក្នុងខេត្តតាកែវ អញ្ជើញចូលរួម សម្របសម្រួល រវាងកម្មករកម្មការិនី២០នាក់ជាមួយតំណាង រោងចក្រសិប្បកម្ម (សុីង យ៉ុង.ហឺង)

March 4, 2024 cktv

(តាកែវ )៖នៅព្រឹកថ្ងៃទី០៤ ខែមីនា ឆ្នាំ២០២៤ លោក មុឹង វីរីយ៉ា ប្រធានមន្ទីរការងារ និងអាជ្ញាធរពាក់ព័ន្ធខេត្តតាកែវ បានអញ្ជើញចុះជួយសម្របសម្រួល រវាងកម្មករកម្មការិនី ជាមួយតំណាងរោងចក្រសិប្បកម្ម (សុីង យ៉ាង.ហឺង ) ដែលស្ថិតនៅផ្លូវវាងក្រុង ភូមិប្រហ៊ូត សង្កាត់រកាក្រៅ ក្រុងដូនកែវ ខេត្តតាកែវ។ ក្នុងការសម្របសម្រួលនោះដែរ ដោយឲ្យតំណាងកម្មករ ក៏ដូចជាតំណាងរោងចក្រ ហ្នឹងអាជ្ញាធរពាក់ព័ន្ធ នៅក្នុងខេត្តតាកែវ ចូលរួមសម្របសម្រួលទៅតាម នីតិវិធីពន្យល់នៃច្បាប់ការងារទៅដល់ភាគីពាក់ព័ន្ធ ដើម្បីធ្វើកិច្ចព្រមព្រៀងគ្នា រវាងកម្មកររោងចក្រ និងតំណាងថៅកែរោងចក្រ .។ ជាលទ្ធផលចុងក្រោយ ក្រោមការសម្រស់សម្រួលពីមន្ទីរពាក់ព័ន្ធ ភាគីតំណាងរោងចក្រ និងកម្មករ បានធ្វើកិច្ចព្រមព្រៀងគ្នា ដោយកម្មករព្រមចូលធ្វើការ នឹងបានធ្វើការដូចដើមវិញ ហើយរក្សាបាននៅ ផ្លូវច្បាប់នៃការងារ ចំណែកឯអ្នកត្រូវបានឈប់ពីការងារ ខាងរោងបាបចក្រសន្យាបើកប្រាក់ខែឲ្យ នៅវេលាម៉ោង១០ ៈ០០ ថ្ងៃទី០៦ ខែមីនា ឆ្នាំ២០២៤។ កម្មករកម្មការិនីរោងចក្រ បានថ្លែអំណរគុណ យ៉ាងជ្រាលជ្រៅចំពោះ មន្ទីរពាក់ព័ន្ធក៏ដូចជាអាជ្ញាធរពាក់ព័ន្ធក្នុងខេត្តតាកែវ និងអ្នកសារព័ត៌មាន ដែលខិតខំយកចិត្តទុកដាក់ ជួយសម្របសម្រួលនៅក្នុងរឿងនេះផងដែរ។ គួររម្លឹកផងដែរថា […]

ព័ត៌មានជាតិ

សិក្ខាសាលាពិគ្រោះយោបល់លើសេចក្តីព្រាងផែនការគោល (Blueprint) ស្តីពីការគ្រប់គ្រងទ្រព្យសម្បត្តិរដ្ឋ ក្រោមអធិបតីភាពឯកឧត្តមបណ្ឌិត អៀង ស៊ុនលី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៅសណ្ឋាគារសុខា ខេត្តព្រះសីហនុ

October 6, 2023 cktv

ខេត្តព្រះសីហនុ៖ថ្លែងក្នុងសិក្ខាសាលាពិគ្រោះយោបល់លើសេចក្តីព្រាងផែនការគោល (Blueprint) ស្តីពីការគ្រប់គ្រងទ្រព្យសម្បត្តិរដ្ឋ នាព្រឹកថ្ងៃទី៦ ខែតុលា ឆ្នាំ២០២៣ ឯកឧត្តមបណ្ឌិត អៀង ស៊ុនលី រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានបញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បាននិងកំពុងអនុវត្តយុទ្ធសាស្ត្របញ្ចកោណដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងចីរភាព កសាងមូលដ្ឋានគ្រឹះឆ្ពោះទៅសម្រេចចក្ខុវិស័យ ២០៥០។ ឯកឧត្តមបញ្ជាក់ទៀតថា កម្ពុជាបាន សម្រេចនូវមូលដ្ឋានគ្រឹះដ៏រឹងមាំក្រោមការដឹកនាំដ៏ប៉ិនប្រសប់ នៃសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា ដែលបានដាក់ចេញនូវនយោបាយឈ្នះឈ្នះ កាលពីចុងឆ្នាំ ១៩៩៨ នាំមកនូវសន្តិភាព ស្ថិរភាព និងឯកភាពជាតិ និងទឹកដីពេញលេញ ដែលជាបុព្វលក្ខខណ្ឌ ចាំបាច់នៃការសម្រេចបានកំណើនសេដ្ឋកិច្ចខ្ពស់ក្នុងរង្វង់ជាមធ្យមក្នុងមួយឆ្នាំក្នុងរយៈពេល ៧% ប្រមាណ ២ទស្សវត្សរ៍ចុងក្រោយនេះ។ ការណ៍នេះជំរុញឱ្យផលិតផលក្នុងស្រុកសរុប (ផ.ស.ស) មនុស្សម្នាក់កើនពី ២៥៣ដុល្លារអាមេរិក នៅឆ្នាំ១៩៩៨ ដល់ ១៧០០ ដុល្លារអាមេរិក ក្នុងឆ្នាំ២០១៩ កាត់បន្ថយភាពក្រីក្រមកស្ថិតក្នុងរង្វង់ប្រមាណ ១៧,៨% […]

Related Articles

Leave a Reply Cancel reply