ព័ត៌មានជាតិ

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជាអធិបតី ពិធីបើកយុទ្ធនាការ «និយាយថាទេចំពោះព័ត៌មានក្លែងក្លាយ!» “Say No To Fake News!” ដែលមានអ្នកចូលរួមជាង១,០០០នាក់ ដោយផ្ទាល់នៅទីស្តីការក្រសួងព័ត៌មាន និងតាមប្រព័ន្ធអនឡាញ២៥រាជធានីខេត្ត នាព្រឹកថ្ងៃទី០១ ខែមេសា ឆ្នាំ២០២៥។

April 1, 2025 cktv Comment(0)

«និយាយថាទេចំពោះព័ត៌មានក្លែងក្លាយ!» “Say No To Fake News!” ដែលមានអ្នកចូលរួមជាង១,០០០នាក់ ដោយផ្ទាល់នៅទីស្តីការក្រសួងព័ត៌មាន និងតាមប្រព័ន្ធអនឡាញ២៥រាជធានីខេត្ត នាព្រឹកថ្ងៃទី០១ ខែមេសា ឆ្នាំ២០២៥។

សូមជម្រាបថា យុទ្ធនាការនេះរៀបចំដឹកនាំដោយ ក្រសួងព័ត៌មាន ដើម្បីលើកកម្ពស់ការយល់ដឹងសាធារណៈស្ដីពីគ្រោះថ្នាក់នៃព័ត៌មានក្លែងក្លាយនិងជំរុញការចូលរួមបង្ការ និងទប់ស្កាត់ការរីកសាយភាយ នៃព័ត៌មានក្លែងក្លាយគ្រប់ប្រភេទ ដើម្បីរួមចំណែកធានាសន្តិសុខព័ត៌មាន។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានបញ្ជាក់ថា ប្រភេទព័ត៌មានក្លែងក្លាយមានបីប្រភេទ៖
ទី១៖ ព័ត៌មានក្លែងបន្លំ (Disinformation) គឺជាប្រភេទព័ត៌មានមិនពិតដែលបានបង្កើតឡើង ហើយយកទៅធ្វើការផ្សព្វផ្សាយ ឬចែកចាយដោយចេតនាដើម្បីបំភាន់ ឬបោកប្រាស់សាធារណជនក្នុងគោលបំណងបង្កផលប៉ះពាល់ដល់ជនណាម្នាក់ អង្គការណាមួយ ឬប្រទេសណាមួយ។

ទី២៖ ព័ត៌មានបំភ្លៃ (Malinformation) គឺជាប្រភេទព័ត៌មានមិនពិតដែលត្រូវបានគេកែច្នៃពីព័ត៌មានពិត ហើយត្រូវបានគេយកមកផ្សព្វផ្សាយ ឬចែកចាយក្នុងចេតនាធ្វើឲ្យប៉ះពាល់ផលប្រយោជន៍ កិត្តិយសបុគ្គល អង្គការ ស្ថាប័ន ឬប្រទេសណាមួយ។

ទី៣៖ ព័ត៌មានភាន់ច្រឡំ (Misinformation) ជាប្រភេទព័ត៌មានមិនពិតដែលត្រូវបានគេផ្សព្វផ្សាយ ឬចែករំលែកតៗគ្នាដោយចេតនា ឬអចេតនាធ្វើឱ្យមានការយល់ច្រឡំ ហើយជួនកាលអ្នកចែករំលែកមិនដឹងច្បាស់ពីប្រភពនៃព័ត៌មានដែលខ្លួនទទួលបានដោយគ្មានបំណងធ្វើឱ្យខូចខាត ឬប៉ះពាល់ផលប្រយោជន៍ បុគ្គល ស្ថាប័ន ឬប្រទេសណាមួយឡើយ។

ឯកឧត្តមរដ្ឋមន្ត្រីបានថ្លែងបន្ថែមថា ក្នុងករណីសង្ស័យថា ជាព័ត៌មានក្លែងក្លាយ សូមកុំចែករំលែកបន្ត ហើយត្រូវពិនិត្យមើលប្រភព កាលបរិច្ឆេទអត្តសញ្ញាណអ្នកផ្សាយនោះ និងត្រូវពិនិត្យមើលថា តើមានសារព័ត៌មានវិជ្ជាជីវៈផ្សេងទៀត បានចុះផ្សាយដែរឬទេ? និងត្រូវរាយការណ៍ Report ទៅបណ្តាញសង្គមដែលប្រើប្រាស់ថាជា False Information។

#SayNoToFakeNews #និយាយថាទេចំពោះព័ត៌មានក្លែងក្លាយ
#ក្រសួងព័ត៌មាន #នេត្រភក្ត្រា #AntiFakeNews #Cambodia #ministryofinformation

cktv

ព័ត៌មានជាតិ

ឯកឧត្តម ដួង តារា រួមទាំងសប្បុរសជន និងក្រុមការងារបានអញ្ជើញជាអធិបតី និងចូលរួមក្នុងពិធីសម្ភោធប្រគេនដាក់អោយប្រើប្រាស់ផ្លូវបេតុង ប្រវែង១៥៩ម៉ែត្រ និងចែកអំណោយដល់ពលរដ្ឋ និងពលទាហានជិត៥០០គ្រួសារ នៅវត្តឧត្តមត្រៃសិក្ខារាម(ហៅវត្តកំប្រង់) ស្រុកកំរៀង ខេត្តបាត់ដំបង

October 9, 2022 cktv

បាត់ដំបង៖នៅថ្ងៃទី០៩ ខែតុលា ឆ្នាំ២០២២ ឯកឧត្តម ដួង តារា រដ្ឋលេខាធិការទីស្តីការគណៈរដ្ឋមន្ត្រី និងជាជំនួយការផ្ទាល់សម្តេចតេជោនាយករដ្ឋមន្ត្រី រួមជាមួយ ឯកឧត្តម មួង ឃីម លោកឧកញ៉ា សោម រ៉ាឌី លោកឧកញ៉ា អ៊ុត ធី និងលោកជំទាវ លោក យុទ្ធរ៉ា ឆានី និងភរិយា លោក សោម សុធា ម្ចាស់គម្រោងដីឡូតិ៍ភូមិមរតក ក្រុមការងារស្ម័គ្រចិត្តរបស់ឯកឧត្តម រួមទាំងសប្បុរសជន បានអញ្ជើញជាអធិបតី និងចូលរួមក្នុងពិធីសម្ភោធប្រគេនដាក់អោយប្រើប្រាស់ផ្លូវបេតុងប្រវែង១៥៩ម៉ែត្រ និងចែកអំណោយដល់ពលទាហាន ពលរដ្ឋ និងសិស្សានុសិស្ស ជិត៥០០គ្រួសារ ព្រមទាំងប្រគេនបច្ច័យសម្រាប់សាងសល់សមិទ្ធផលផ្សេងៗ នៅក្នុង វត្តឧត្តមត្រៃសិក្ខារាម(ហៅវត្តកំប្រង់) ស្ថិតក្នុងភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង ដោយមានការអញ្ជើញចូលរួមពីឯកឧត្តម ឯក សំអូន មេបញ្ជាការយោធភូមិភាគទី៥ លោក ធូ ភា អភិបាលរងខេត្តបាត់ដំបង(តំណាងឯកឧត្តម សុខ លូ អភិបាលខេត្ត) និងលោកឧត្តមសេនីយ៍ត្រី កែវ […]

ព័ត៌មានជាតិ

ជនជាតិចិនបើករថយន្តសេរីទំនើបម៉ាក់MCបុកពីក្រោយរថយន្តCAMRYឆ្នៃដឹកសម្ភារៈតុទូបណ្តាលឲ្យរបួសធ្ងន់ នៅសង្កាត់និមិត្ត ក្រុងប៉ោយប៉ែត

December 12, 2023 cktv

បន្ទាយមានជ័យ៖រថយន្តសេរីទំនើបម៉ាក់MC បើកបរដោយបុរសជនជាតិចិនបើបុកពីក្រោយរថយន្តCAMRYឆ្នៃដឹកសម្ភារៈ តុ ទូ បណ្តាលរបួសធ្ងន់ ត្រូវបានដឹកយកទៅសង្គ្រោះនៅឯមន្ទីរពេទ្យភ្លាមៗ នៅថ្ងៃទី១២ ខែធ្នូ ឆ្នាំ២០២៣ តាមបណ្តោយផ្លូវជាតិលេខ៥ ស្ថិតភូមិ.សង្កាត់និមិត្ត ក្រុងប៉ោយប៉ែត។ បើតាមប្រភពព័ត៌មានពីកន្លែងកើតហេតុបានឲ្យដឹងថា៖ នៅមុនពេលជួបគ្រោះថ្នាក់ចរាចរណ៍កើតឡើងគេបានឃើញរថយន្តម៉ាកCAMRYឆ្នៃដែលដឹកគ្រែ តុ ទូ និងឈើរើផ្ទៈដែលបើកបរតាមបណ្តោយផ្លូវជាតិលេខ៥ ក្នុងទិសដៅពីលិចទៅកើត ពោលគឺពីក្រុងប៉ោយប៉ែតឆ្ពោះទៅកាន់ទីរួមខេត្ត ភ្លាមនោះក៏ស្រាប់តែមានរថយន្តសេរីទំនើបម៉ាកMC ពាក់ផ្លាកលេខកម្ពុជា JANNY189 ដែលបើកបរដោយបុរសជនជាតិចិន បើកក្នុងទិសដៅស្របទិសគ្នាពីលិចទៅកើត លុះមកដល់ចំណុចកើតហេតុខាងលើ ក៏បានបុកពីក្រោយពេញទំហឹង បណ្តាលជនជាតិចិនម្នាក់របួសធ្ងន់ ត្រូវបានសង្គ្រោះបន្ទាន់ទៅកាន់មន្ទីពេទ្យ។ ក្រោយគ្រោះចរាចរណ៍ភ្លាមៗមន្ត្រីនគរបាលចរាចរណ៍ក្រុងប៉ោយប៉ែត និងមន្ត្រីនគរបាលប៉ុស្តិ៍សង្កាត់និមិត្ត បានចុះទៅពិនិត្យ និងធ្វើការវាស់វែង ។ សមត្ថកិច្ចបានថា៖ករណីគ្រោះថ្នាក់ចរាចរណ៍ខាងលើនេះមិនទាន់ដឹងពីមូលហេតុច្បាស់នៅឡើយនោះទេ ដោយជនរងគ្រោះរបួសធ្ងន់កំពុងសង្គ្រោះបន្ទាន់ តែការសាកសួរព័ត៌មាននិងពិនិត្យមើល គឺគ្រោះថ្នាក់ចរាចរណ៍កើតឡើងអាចបណ្តាលមកពីជនជាតិចិន បើករថយន្តMCបម្រុងឡើងវ៉ាមិនផុតទើបបណ្តាលឲ្យបុកពីក្រោយរថយន្តCAMRYឆ្នៃ ដែលដឹកផ្ទៈរើមានគ្រែ តុ ទូ បណ្តាលអ្នកបើកបររបួសធ្ងន់និងខូចខាតរថយន្តសេរីទំនើបយ៉ាងធ្ងន់ធ្ងរបែបនេះ ក្រោយវាស់វែងហើយមធ្យោបាយធ្វើដំណើរពាក់ព័ន្ធ ត្រូវបាននាំយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីរងចាំដោះស្រាយគ្នាតាមច្បាប់ជាក្រោយ៕

ព័ត៌មានជាតិ

អភិបាលខេត្តព្រះសីហនុ អញ្ជើញសំណេះសំណាលជាក្រុមកីឡាករ សមាគមកីឡាបាល់ទះរដ្ឋបាលបាលខេត្ត ដែលត្រូវចេញទៅប្រកួតដណ្តើមពានរង្វាន់សម្តេចតេជោ

October 15, 2022 cktv

ខេត្តព្រះសីហនុ៖ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ នាព្រឹកថ្ងៃទី១៥ ខែតុលា ឆ្នាំ២០២២ អញ្ជើញសំណេះសំណាលជាក្រុមកីឡាករ សមាគមកីឡាបាល់ទះរដ្ឋបាលបាលខេត្តព្រះសីហនុ ដែលត្រូវចេញទៅប្រកួតដណ្តើមពានរង្វាន់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅរាជធានីភ្នំពេញ នៅសាលប្រជុំសាលាខេត្តព្រះសីហនុ។ ឯកឧត្តមអភិបាលខេត្ត បានមានប្រសាសន៍ថា ក្នុងនាមក្រុមប្រឹក្សាខេត្ត គណៈអភិបាលខេត្ត ព្រមទាំងមន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋក្នុងខេត្តព្រះសីហនុ សូមកោតសរសើរលោកស្នងការខេត្ត ដែលបានបង្កើតក្រុមកីឡាបាល់ទះនេះឡើង ដើម្បីចូលរួមប្រកួតដណ្តើមពានរង្វាន់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតនៅរាជធានីភ្នំពេញ។ ការលេងកីឡា គីជាក្តីរំពឹងជារឿងមួយ ក្តីប្រាថ្នាជារឿងមួយសម្រាប់ក្រុមរបស់យើង។ ម្យ៉ាងទៀតការលេងកីឡាបង្កើននូវសាមគ្គីភាព មិត្តភាពរវាងក្រុមកីឡាកមកពីបណ្តារាជធានី ខេត្ត កីឡានាំមកនូវសុខភាព នាំឱ្យយើងមានកម្លាំងមាំមួន និងជៀសឆ្ងាយពីគ្រឿងញៀន។ក្នុនោះឯកឧត្តមក៏ បានធ្វើការណែនាំដល់ក្រុមកីឡាបាល់ទះ និងគ្រូបង្វឹកដែលបានរួមគ្នាប្រឹងប្រែងបង្កើតក្រុមបាល់ទះនេះឡើង ព្រោះការប្រកួតកីឡា និងលេងកីឡាត្រូវរួមគ្នាជាក្រុម មិនអាចមានមោទនភាពចំពោះកីឡាករណាមួយបានឡើយ បើយើងរួមគ្នាជាក្រុម កត្តាទទួលបានជោគជ័យមានច្រើនសម្រាប់ក្រុមកីឡារបស់យើង ក៏ដូចជាការដណ្តើមជ័យជំនះសម្រាប់មុខមាត់ខេត្តព្រះសីហនុផងដែរ។ ម្យ៉ាងការចេញទៅប្រកួតដណ្តើមពានរង្វាន់សម្តេចតេជោនេះ ជាតំណាងឱ្យខេត្តព្រះសីហនុ ហើយភាពជោគជ័យ វាអាស្រ័យការរួមសាមគ្គីគ្នាជាក្រុមទើបនាំយកភាពជោគជ័យសម្រាប់ខេត្តរបស់យើងទាំងអស់គ្នា។ ឯកឧត្តមអភិបាលខេត្ត សង្ឃឹម នឹងជឿជាក់ថា ក្រុមកីឡាករសមាគមកីឡាបាល់ទះរដ្ឋបាលបាលខេត្តព្រះសីហនុ […]

Related Articles

Leave a Reply Cancel reply