នៅថ្ងៃទី០៦ ខែកញ្ញា ឆ្នាំ២០២៣ អ្នកឧកញ៉ា លី សាម៉េត បានធ្វើការរៀបរាប់បញ្ជាក់នៅលើគណនីហ្វេសប៊ុករបស់លោកថា÷
ខ្ញុំបាទអ្នកឧកញ៉ា លី សាម៉េត និងឯកឧត្តម ដួង តារា កាលពីរថ្ងៃទី០៥ ខែកញ្ញា ឆ្នាំ២០២៣ ដើម្បីជៀសវាង មានការយល់ច្រលំពីបងប្អូន កូនក្មួយមួយចំនួនតូច អាចយល់ច្រលំថា ខ្ញុំបាទ លី សាម៉េត និងកូន ដួង តារា មានការទំនាស់គ្នា ។
គឺរឿងនោះមិនពិតទេ ដូចបងប្អូនកូនក្មួយខ្លះ អាចនិងយល់ច្រឡំ ពេលដែលខ្ញុំបាទ និយាយក្នុងសន្និសីទកាសែតនោះមិនមានចេតនា ឬប៉ះពាល់ កូនដួង តារា និងខ្ញុំបាទនោះទេ ខ្ញុំបាទសូមបញ្ជាក់ថ្ងៃនេះឲ្យច្បាស់រឿងដែលកូន ដួង តារា ជួយដោះស្រាយជូនប្រជាពលរដ្ឋរងគ្រោះក្រៅប្រព័ន្ធតុលាការនោះ គឺមានការអនុញ្ញាតពី ( សម្ដេច តេជោ ) នាយករដ្ឋមន្រ្តី អាណត្តិមុន ពេលដែល កូន ដួង តារា បានចុះទៅជួយដោះស្រាយជូនប្រជាពលរដ្ឋនោះក៏មានខ្ញុំបាទ លី សាម៉េត ចូលរួមដោះស្រាយជាមួយកូន ដួង តារា ដែរ ហើយរឿង កូន តារា ដោះស្រាយជូនប្រជាពលរដ្ឋកន្លងមកកូន ដួង តារា រាល់ឯកសារ ទាំងអស់នោះមកពិភាក្សា ជាមួយខ្ញុំបាទរហូតមក អ្វីដែលខ្ញុំបាទ បាននិយាយក្នុង សន្និសីទកាសែត នៅថ្ងៃទី០៥ ខែកញ្ញា ម្សិលមិញនេះ ខ្ញុំបាទ ចង់និយាយអំពីអ្នកធំមួយចំនួនដែលមិនមានតួនាទី ហើយគ្មានការអនុញ្ញាតពី ( សម្ដេច តេជោ ) ដូចកូន ដួង តារានោះទេ !
សូមបងប្អូនកូនក្មួយ កុំមានការយល់ច្រឡំ ឲ្យសោះ ប្រហែល បងប្អូន កូនក្មួយខ្លះ មិនទាន់បានយល់ពី ខ្ញុំបាទ និងកូន ដួង តារាទេ មានតែខ្ញំបាទ និងកូន ដួង តារា ទើបយល់ថា វាមានជម្រៅ ប៉ុណ្ណានោះសូមបងប្អូនកូនក្មួយពិចារណា តាមការគួរ។
សូមបញ្ជាក់ផងដែរថា ការបង្ហោះរបស់អ្នកឧកញ៉ា បន្ទាប់ពីមានការបង្ហោះករណីដែលអ្នកស្រី សាទ ដាលីល មានបញ្ហាវិវាទក្នុងការទិញលក់ ដំឡើងកញ្ចក់ជាមួយនឹងសាកលវិទ្យាល័យ ឥន្ទ្រវិជ្ជា (ហៅកាត់ UI) ។ ហើយឯកឧត្តម ដួង តារា ក៏បានបញ្ជាក់ផងដែលថាករណីនេះគឺមិនមអ្វីពាក់ព័ន្ធ អ្វីជាមួយឯកឧត្តមនោះទេ ។ ហើយរឿងនេះ អ្នកស្រី សាទ ដាលីស ក៏បានប្រាប់ឯកឧត្តមផងដែរថា គាត់មានមេធាវីជួយការពារក្តីគាត់ហើយ អញ្ចឹងមានតែតុលាការទេ ដែលអាចផ្ដល់យុត្តិធម៌ជូនអ្នកស្រី។ ហើយឯកឧត្តម ដួង តារា មិនបានចូលរួមដោះស្រាយអ្វីនោះដែរនៅក្នុងបញ្ហានេះ គ្រាន់តែឲ្យអ្នកស្រី សាទ ដាលីស កុំធ្វីការបង្ហោះដោយមានរូបលោក កុំឲ្យការយល់ច្រឡំផ្សេងៗ។
ចំពោះការដោះស្រាយរបស់ឯកឧត្តម ដួង តារា នាពេលកន្លងមក ទាំងអ្នកសារព័ត៌មាន រួមទាំងប្រជាពលរដ្ឋ គឺមានការគាំទ្រ សាទរ ដោយបានធ្វើឲ្យប្រជាពលរដ្ឋជាច្រើនទទួលបានស្នាមញញឹម ក្នុងការដោះស្រាយនៅក្រៅប្រព័ន្ធតុលាការ៕
