(កណ្ដាល)៖ ព្រែកតាលនកំពុងប្រឈមនឹងមហន្តរាយដោយការរំលោភយកពីសំណាក់ថៅកែអេតចាយដែលបានសង់សំណង់ឃ្លាំងនិងរបងថ្មរឹងមាំកំពស់ប្រមាណជា៥ម៉ែត្របើគេមើលដោយភ្នែកទទេពីចំណុចលើស្ពានព្រែកតាលនទៅ ដោយគ្មានខ្លាចញញើតច្បាប់ឬអាជ្ញាធរមូលដ្ឋាននៃរដ្ឋបាលស្រុកល្វាឯមអ្វីបន្តិចសោះឡើយ បើគិតមកទល់ពេលនេះ ដូចពាក្យចាស់លោកពោលថា អង្ករបានក្លាយទៅជាបាយបាត់ទៅហើយ។តើកត្តានេះបណ្ដាលមកពីច្បាប់ធូរលុងឬការមិនអនុវត្តឲ្យបានគ្រប់ជ្រុងជ្រោយឬមកពីអាជ្ញាធរមូលដ្ឋាននៃរដ្ឋបាលស្រុកល្វាឯមដែលដឹកនាំដោយលោកចៅហ្វាយស្រុក លីវ វណ្ណថេង មិនយកចិត្តទុកដាក់ការពារដីចំណីព្រែកឲ្យបានគង់វង្ស ឬមកពីថៅកែអេតចាយមានអំណាចខ្លាំងក្លា មានមហិទ្ធិឫទ្ធិ ឬចេះមន្តអាគមអូមអាមសូត្រផ្លុំសណ្ដំឲ្យអាជ្ញាធរមូលដ្ឋាននៃរដ្ឋបាលឃុំបឹងគ្រំនិងស្រុកល្វឯមមើលលែងឃើញពីចំណុចខុសឆ្គង ខុសច្បាប់ នៅក្នងមូលដ្ឋានទៅហើយ? ប្រភពបានឲ្យ ដឹងថា ព្រែកតាលន ស្ថិតនៅភូមិបឹងគ្រំ ឃុំបឹងគ្រំ ស្រុកល្វាឯម ខេត្តកណ្ដាល គេឃើញផ្ទះអេតចាយចេះតែពង្រីកធំទៅៗជិតដល់ពាក់កណ្ដាលស្ពានទៅហើយ នៅខាងក្រោយឃ្លាំងអេតចាយ គេឃើញមានរបងកំពស់៤ទៅ៥ម៉ែត្រសង់ចូលដីចំណីព្រែកនេះយូរហើយ ពុំដែលឃើញអាជ្ញាធរណា គេចុះមកពីនិត្យឬមានវិធានការទប់ស្កាត់នោះទេ តែបើបណ្ដែតបណ្ដោយអញ្ចឹងយូរៗទៅ អាចបាត់លុបព្រែកនេះបាត់ហើយ។ជាក់ស្ដែងព្រែកតាលននេះ កំពុងប្រឈមនឹងការរំលោភយកបន្តិចម្ដងៗស្ទើតែជិតដល់ពាក់កណ្ដាលព្រែកទៅហើយ តាមរយៈការដែលអាជ្ញាធរបណ្ដែតបណ្ដោយឲ្យមានការសង់សំណង់ឃ្លាំងអេតចាយ និងរបងរឹងមាំចូលទៅក្នុងព្រែកនេះ ដោយមិនអើពើឬទប់ស្កាត់ឡើយ។ ករណីនេះ គេសុទ្ធតែអាចមើលឃើញដោយភ្នែកទទេ ក៏ប៉ុន្តែចៅហ្វាយស្រុកល្វាឯម ក្រោមការដឹកនាំ លោក លីវ វណ្ណថេង ធ្វើមើលមិនឃើញបញ្ហានេះ ឬមួយលោកចៅហ្វាយស្រុកគិតថា ជារឿងកំប៉ិកកំប៉ុក។ ប៉ុន្តែទោះបីជាយ៉ាងណា គួរជៀសវាងកុំឲ្យមានសំណង់អាណាធិបតេយ្យកើតមានឡើងនៅចំណុចព្រែកតាលននេះដើម្បីទុកជាសម្បត្តិរួម សម្បត្តិសាធារណៈបម្រើឲ្យផលប្រយោជន៍សាធារណៈ។ករណីលួចសាងសង់សំណង់រំលោភយកដីព្រែកខាងលើនេះ វាមិនមែនជារឿងថ្មីនោះទេ សម្រាប់ទឹកដីខេត្តកណ្ដាលដែលតែងតែកើតមានជាហូរហែចំពោះបុគ្គលមួយដំបរស្វា អាងខ្លួនមានលុយ មានអំណាច មានបក្ខពួកបានឃុបឃិតគ្នាលួចសាងសង់សំណង់បេតុងរឹងមាំរំលោភយកដីមាត់ព្រែក ដែលវាផ្ទុយនឹងអនុក្រឹត្យលេខ៩៨ អនក្រ.បក ស្តីពីការគ្រប់គ្រងអាងទន្លេ។ បើយោងតាមអនុក្រឹត្យលេខ៩៨ អនក្រ.បក […]
