ខេត្តកំពត ៖ ឯកឧត្តម ញ៉ូវ សាឯម ប្រធានក្រុមប្រឹក្សាខេត្តកំពត និងឯកឧត្តម បណ្ឌិត ម៉ៅ ធនិន អភិបាលនៃគណៈអភិបាលខេត្ត នាថៃ្ងទី១៣ ខែកក្កដា ឆ្នាំ២០២៣ បានដឹកនាំកិច្ចប្រជុំសាមញ្ញ លើកទី៥០ របស់ក្រុមប្រឹក្សាខេត្ត អាណត្តិទី៣ នៅសាលសន្និសីទបូកគោ សាលាខេត្តកំពត ដោយមានការអញ្ជើញចូលរួមពីគណៈអភិបាលខេត្ត មន្ទីរ អង្គភាពជុំវិញខេត្ត ក្រុង ស្រុក ទីចាត់ការ អង្គភាពចំណុះសាលាខេត្ត។
កិច្ចប្រជុំដើម្បីពិនិត្យ និងអនុម័តលើ៖
១. របៀបវារៈនៃកិច្ចប្រជុំសាមញ្ញលើកទី៥០ របស់ក្រុមប្រឹក្សាខេត្ត។
២. កំណត់ហេតុនៃកិច្ចប្រជុំសាមញ្ញលើកទី៤៩ របស់ក្រុមប្រឹក្សាខេត្ត។
៣. របាយការណ៍ប្រចាំខែមិថុនា ឆ្នាំ២០២៣ ស្តីពីការអនុវត្តការងាររបស់ រដ្ឋបាលខេត្ត។
៤. របាយការណ៍ ស្តីពីការអនុវត្តការងាររបស់រដ្ឋបាលខេត្ត ប្រចាំឆមាសទី១ ឆ្នាំ២០២៣។
៥. សេចក្ដីណែនាំ ស្តីពីដំណើរការរៀបចំកសាងកម្មវិធីវិនិយោគបីឆ្នាំរំកិល (២០២៤–២០២៦)។
៦. ការបែងចែករង្វាន់លើកទឹកចិត្តជូនមន្ត្រី បុគ្គលិកសាលាខេត្ត សម្រាប់ខែមេសា ដល់ខែមិថុនា ឆ្នាំ២០២៣។
៧. តារាងបែកចែក សមាជិកក្រុមប្រឹក្សាខេត្ត អាណត្តិទី៣ ទទួលបន្ទុកតាមដានព័ត៌មានតាមបណ្តាមន្ទីរ អង្គភាពជុំវិញខេត្ត ៕
