ខេត្តស្វាយរៀង៖ករណីស្ត្រីម្នាក់ស្លាប់អាក្រាតកាយនៅក្នុងបន្ទប់គេង និងក្បាលនៅឯក្នុងបន្ទប់ទឹក នៅចំណុចបន្ទប់ជួលផ្លូវកំពង់ស្ពាន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង បង្កការភ្ញាក់ផ្អើលនៅវេលាម៉ោង០០.៤០នាទីថ្ងៃទី២០ ខែមេសា ឆ្នាំ២០២៣ មហាជនដាក់ការសង្ស័យថា ជាករណីឃាតកម្ម។
ក្រោយពីទទួលបានព័ត៌មាននេះភ្លាមកម្លាំងនគរបាលបានចុះទៅពិនិត្យ និងធ្វើកោសលវិច្ច័យនៅកន្លែងកើតហេតុ។ សាកសពជនរងគ្រោះមានឈ្មោះ ម៉ន ស្រីម៉ី ភេទស្រី អាយុ២៤ឆ្នាំ មុខរបរបុគ្គលិកកាស៊ីណូ DYNASTY មានស្រុកកំណើត ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល ទីលំនៅបច្ចុប្បន្នស្នាក់នៅបន្ទប់ជួលភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។បច្ចុប្បន្នសមត្ថកិច្ចកំពុងធ្វើការស្រាវជ្រាវ ដើម្បីតាមចាប់ឃាតករ យកមកផ្តន្ទាទោសតាមច្បាប់៕