ខេត្តបន្ទាយមានជ័យ៖រថយន្ត Mercedes.G63 សេរីទំនើបមួយគ្រឿង បានបើកបុកម៉ូតូម៉ាក់Honda Scoopyបើកបរដោយស្ត្រីម្នាក់ខណៈបត់មិនប្រយ័ត្ន បណ្តាលស្លាប់ ភ្លាមៗនិងកន្លែងនៅរសៀលថ្ងៃទី២០ ខែកក្តដា ឆ្នាំ២០២៣ នៅតាមបណ្តោយផ្លូវជាតិលេខ៦ ស្ថិតភូមិទេពកោសា ឃុំរហាល ស្រុកព្រៈនេត្រព្រៈ ខេត្តបន្ទាយមានជ័យ។ ប្រភពព័ត៌មានបានឲ្យដឹងថា៖នៅពេលគ្រោះថ្នាក់ចរាចរណ៍កើតឡើងមានស្ត្រីរងគ្រោះឈ្មោះ ប៊ិវ ភួង អាយុ៧៧ឆ្នាំ រស់នៅភូមិកន្លែងកើតហេតុបានជិៈម៉ូតូម៉ាក់Honda Scoopyបើកបរតាមបណ្តោយផ្លូវជាតិលេខ៦ ក្នុងទិសដៅពីលិចមកកើត ហើយបានបត់ឆ្វេងបម្រុងចូលផ្លូវលំ ហើយមានរថយន្ត Mercedes.G63ពាក់ផ្លាក់លេខកម្ពុជា2SV-9000អ្នកបើកបរមិនស្គាល់អត្តសញ្ញាណក្នុងទិសដៅស្របទិសគ្នា បុកពេញទំហឹង បណ្តាលស្ត្រីរងគ្រោះម្នាក់ស្លាប់ភ្លាមៗ នៅកន្លែងកើតហេតុ។ ក្រោយគ្រោះថ្នាក់ចរាចរណ៍កើតឡើងមន្ត្រីនគរបាលចរាចរណ៍ផ្លូវគោកស្រុកព្រៈនេត្រព្រៈ បានដល់កន្លែងកើតហេតុបានសម្រួលចរាចរណ៍ ហើយវាស់វែងប្រាប់ថា មូលហេតុគ្រោះចរាចរណ៍កើតឡើងបណ្តាលមកពីស្ត្រីរងគ្រោះ បត់ម៉ូតូមិនប្រយ័ត្ន ហើយរថយន្តបង្កបើកលឿនបានបុកពីក្រោយ បណ្តាលស្លាប់ម្នាក់ និងកន្លែងជាស្ត្រីជិៈម៉ូតូ និងអ្នកបើកបររថយន្តសេរីទំនើប ក្រោយបុកហើយគេចខ្លួនបាត់ទុករថយន្តនៅកន្លែងកើតហេតុ។ មន្ត្រីនគរបាលបានបញ្ជាក់ថា៖ក្រោយធ្វើការវាស់វែងហើយស្ត្រីរងគ្រោះប្រគល់ជូនសាច់ញាតិទទួលយកធ្វើបុណ្យតាមប្រពៃណីយ៍ និងរថយន្តដែលបង្កនិងម៉ូតូរងគ្រោះ ដែលខូចខាតត្រូវបានយកមករក្សាទុកនៅអធិការដ្ឋាននគរបាលស្រុកព្រៈនេត្រព្រៈ ដើម្បីដោះស្រាយគ្នាតាមច្បាប់ជាក្រោយ៕
