ព័ត៌មានកីឡា

សេចក្តីប្រកាសព័ត៌មាន ស្តីពីករណីស្លាប់ដោយសារជំងឺផ្តាសាយបក្សីលើកុមារីអាយុ១៥ឆ្នាំ ក្រសួងសុខាភិបាល សូមជម្រាបជូនសាធារណជនឱ្យបានជ្រាបថា មានអ្នកជំងឺផ្តាសាយបក្សី កើតលើ កុមារីអាយុ១៥ឆ្នាំ ចំនួន ០១ករណីទៀត និងត្រូវបានបញ្ជាក់ថា វិជ្ជមានវីរុសផ្តាសាយបក្សី ប្រភេទហាស់៥ អ៊ុន១ (H5N1) ពីវិទ្យាស្ថានជាតិសុខភាពសាធារណៈ និងវិទ្យាស្ថានប៉ាស្ទ័រ នៅថ្ងៃទី២០ ខែសីហា ឆ្នាំ២០២៤ ដែលមានទីលំនៅក្នុងភូមិពោធិ៍មិញ ឃុំកញ្ចៀច ស្រុកកញ្ចៀច ខេត្តព្រៃវែង។ ទោះជាមានការយកចិត្តទុកដាក់ ថែទាំនិងជួយសង្គ្រោះពីសំណាក់ក្រុមគ្រូពេទ្យក៏ដោយ ដោយសារស្ថានភាពអ្នកជំងឺមានសភាពធ្ងន់ធ្ងរ រួមមាន គ្រុនក្តៅ ក្អក ឈឺបំពង់ក ហត់ ពិបាកដកដង្ហើម និងសន្លប់។ កុមារីបានទទួលមរណភាព នៅថ្ងៃទី២០ ខែសីហា ឆ្នាំ២០២៤។ តាមការសាកសួរបង្ហាញថា ប្រហែល៥ថ្ងៃមុនចាប់ផ្តើមឈឺ នៅក្នុងភូមិមានមាន់ទា ងាប់ច្រើន និងផ្ទះបងប្អូនអ្នកជំងឺមានមាន់ងាប់ ក៏បានចែកមកឱ្យគ្រួសារអ្នកជំងឺយកមកធ្វើម្ហូប ហើយកុមារីបានប៉ះពាល់ និងកាន់មាន់ងាប់នេាះដើម្បីធ្វើម្ហូប។ ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការ ជាមួយក្រុមការងារនៃក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន អាជ្ញាធរមូលដ្ឋានគ្រប់ លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្មលើការកើតឡើងនូវជំងឺផ្តាសាយបក្សី […]

រដ្ឋបាលខេត្តព្រៃវែង មានកិត្តិយសសូមជម្រាបជូន លោក លោកស្រី ប្រធានមន្ទីរ-អង្គភាពជុំវិញខេត្ត រដ្ឋបាល ក្រុង-ស្រុក សាធារណជន និងបងប្អូនប្រជាពលរដ្ឋក្នុងខេត្តព្រៃវែង ជ្រាបថា ដើម្បីឲ្យសកម្មភាពនៃព្រឹត្តិការណ៍ “សង្ក្រាន្តព្រៃវែង ២០២៤” កាន់តែមានភាពឱឡាឬក អធិកអធម និងសប្បាយរីករាយជូនប្រជាពលរដ្ឋក្នុងខេត្តព្រៃវែង ក៏ដូចជាប្រជាពលរដ្ឋពីបណ្តារាជធានី-ខេត្តផ្សេងៗ មកចូលរួមលេងកំសាន្តសប្បាយ, គណៈកម្មការរៀបចំព្រឹត្តិការណ៍ “សង្ក្រាន្តព្រៃវែង ២០២៤” នឹងរៀបចំការប្រកួតកីឡា “អុកចត្រង្គ” ដែលនឹងប្រព្រឹត្តទៅតាមជំហាន ដូចខាងក្រោម៖ 👉🏻ជំហានទី១៖ វគ្គជម្រុះ ចាប់ពីថ្ងៃទី៨ ដល់ថ្ងៃទី១០ ខែមេសា ឆ្នាំ២០២៤ (ទីតាំងនៅមន្ទីរអប់រំ យុវជន និងកីឡា ខេត្តព្រៃវែង)។ 👉🏻ជំហានទី២៖ វគ្គផ្តាច់ព្រ័ត្រ ប្រព្រឹត្តទៅនៅថ្ងៃទី១៣ ខែមេសា ឆ្នាំ២០២៤ (ទីតាំងនឹងជូនដំណឹងពេលក្រោយ)។ • ការចែកពាក្យ និងទទួលពាក្យ៖ ចាប់ពីថ្ងៃជូនដំណឹងនេះ រហូតដល់ថ្ងៃទី៥ ខែមេសា ឆ្នាំ២០២៤ វេលាម៉ោង ១៧:០០នាទី នៅមន្ទីរអប់រំយុវជន និងកីឡាខេត្តព្រៃវែង។ • សូមភ្ជាប់មកជាមួយនូវ៖ អត្តសញ្ញាណប័ណ្ណថតចម្លង […]

(ខេត្តកណ្តាល)៖ រដ្ឋបាលក្រុងអរិយក្សត្រ នាថ្ងៃអាទិត្យ ៨កើត ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៧ ខែមីនា ឆ្នាំ២០២៤, លោក អ៊ុំ ចន ប្រធានក្រុមប្រឹក្សាក្រុង រួមជាមួយលោក ចាន់ តារា អភិបាល នៃគណៈអភិបាលក្រុងអរិយក្សត្រ អភិបាលរងក្រុង នាយក-នាយករងរដ្ឋបាលក្រុង មន្រ្តីរាជការនៃរដ្ឋបាលក្រុអរិយក្សត្រ បានចូលរួមក្នុងពិធីសម្ភោធដាក់ឲ្យប្រើប្រាស់ជាផ្លូវការនូវក្លឹបការ៉ាតេ ក្រសួងសេដ្ឋកិច្ច និងហិរញ្ញវត្ថុ ដែលជាក្លឹបការ៉ាតេសាខាក្រុងអរិយក្សត្រ ខេត្តកណ្តាល ក្រោមអធិបតីភាពដ៏ខ្ពង់ខ្ពស់ ឯកឧត្តម អ៉ឹម សិទ្ធីរ៉ា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានដោះស្រាយផលប៉ះពាល់ ដោយសារគម្រោងអភិវឌ្ឍន៍ និងជាប្រធានក្លឹបការ៉ាតេ ក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានសហព័ន្ធកីឡាការ៉ាតេកម្ពុជា៕

បងប្អូនក្រុមវាលទី១៤ (ភូមិបាលខណ្ឌសែនសុខ) បន្តធ្វេីការវិនិច្ឆ័យក្បាលដី ជូនបងប្អូនប្រជាពលរដ្ឋស្ថិតនៅភូមិតាយ៉ូវ ឃុំតាំងសំរោង ស្រុកភ្នំស្រួច ខេត្តកំពង់ស្ពឺ។————————————— នាថ្ងៃ​ទី​១០ ខែ​មីនា​ ឆ្នាំ​២០២៤ បងប្អូនក្រុមវាលទី១៤ (ភូមិបាលខណ្ឌសែនសុខ) បន្តធ្វេីការវិនិច្ឆ័យក្បាលដី​ ជូនបងប្អូនប្រជាពលរដ្ឋស្ថិតនៅភូមិតាយ៉ូវ ឃុំតាំងសំរោង ស្រុកភ្នំស្រួច​ ខេត្តកំពង់ស្ពឺ។ #កអក#ចុះបញ្ជីដីធ្លីបញ្ចប់ #សេវាគាប់ចិត្ត #បរិយាកាសគ្មានវិវាទ #ក្រសួងរៀបចំដែនដីនគរូបនីយកម្មនិងសំណង់#MLMUPC

ខេត្តកណ្តាល៖នាព្រឹកថ្ងៃទី១៤ ខែកុម្ភៈ ឆ្នាំ២០២៤ មន្ទីររៀបចំ ដែនដី នគរូបនី​យកម្ម សំណង់ និង​សុរិ​យោដី ខេត្ត​កណ្តាល បានធ្វើការ​បិទផ្សាយ ជាសាធារណៈ​នូវឯកសារនៃកា​រវិនិច្ឆ័យការចុះប​ញ្ជីដីធ្លីមានលក្ខណៈ​មានជា​ប្រព័ន្ធ ចំនួនមួយភូមិ​ គឺព្រែកតាសោម ឃុំឫស្សីជ្រោ​យ ស្រុកមុខកំពូល ខេត្ត​កណ្តាល ដែលមានក្បាលដីចំនួន៤៣៧ក្បាលដី ដើម្បីទុកពេលឱ្យប្រជាពលរដ្ឋម្ចាស់ដី ទៅពិនិ​ត្យផ្ទៀងផ្ទាត់មើល​ពីភាពត្រឹមត្រូវពិតប្រាកដលើ​ដីរបស់ខ្លួន មុននឹង ​ចេញប័ណ្ណកម្មសិទ្ធិជូន។ លោក​ ទៀង កុស្យារៈ  អនុប្រធានម​ន្ទីររៀបចំដែនដី ​នគរូបនីយកម្ម ​សំណង់ និងសុរិយោដី ខេត្ត កណ្តាល​បានឱ្យដឹងដែរថា៖ នីតិវិធី​នៃការចុះប​ញ្ជីដីធ្លីមានល​ក្ខណៈជាប្រព័ន្ធ​នេះ​ធ្វើតាម​ដំណា​ក់កាល ​គឺការកំ​ណត់តំប​ន់ធ្វើការវិនិ​ច្ឆ័យ ការបង្កើតគ​ណៈកម្មការរដ្ឋបាល ការជូន​ដំណឹង​ដំណើរ​ការផ្សព្វផ្សា​យការចុះ​កំណត់ព្រំវា​ស់វែង និងវិនិច្ឆ័យ​ដើម្បីកសាងប្លង់សុរិយោដី និង បញ្ជីឈ្មោះម្ចា​ស់ដី។ការបិទផ្សា​យជាសា​ធារណៈនូ​វឯកសារ នៃកា​រវិនិច្ឆ័យរយៈ​ពេល១៥ ថ្ងៃគឺដើម្បី ទុកលទ្ធភាព​ឱ្យម្ចាស់ដី​ និងអ្នក​ពាក់ព័ន្ធធ្វើកា​រផ្ទៀងផ្ទាត់​ឈ្មោះ ថ្ងៃខែឆ្នាំកំ​ណើត និងព្រំប្រទ​ល់ក្បាលដី របស់ខ្លួន ព្រមទាំង​ធ្វើការតវ៉ាក្នុងករ​ណីខុសឆ្គង។ ការផ្តល់សិទ្ធិចំពោះក្បាល​ដីណា ដែលមិនមាន ទំនា​ស់ចុះ​បញ្ជីចេ​ញប័ណ្ណ និងចែកប័​ណ្ណកម្មសិ​ទ្ធិជូន ​ម្ចាស់ដី។ ជាមួយគ្នា​នោះលោក​ អនុប្រធានម​ន្ទីររៀបចំដែ​នដី នគរូបនីយ​កម្មសំណង់ និ​ងសុរិយោដីខេត្ត ក៏បាន […]

ខេត្តបន្ទាយមានជ័យ:នាព្រឹកថ្ងៃទី០៤ ខែធ្នូ ឆ្នាំ២០២៣ ក្នុងខេត្តបន្ទាយមានជ័យ បានប្រារព្ធមិទ្ទីញ(២ ធ្នូ ១៩៧៨-២ ធ្នូ ២០២៣)គម្រប់ខួបលើកទី៤៥ ទិវាកំណើត “រណសិរ្សសាមគ្គីសង្គ្រោះជាតិកម្ពុជា” ដែលបច្ចុប្បន្នត្រូវបានប្ដូរឈ្មោះថា “រណសិរ្សសាមគ្គី អភិវឌ្ឍន៍មាតុភូមិកម្ពុជា” ជាថ្ងៃប្រវត្តិសាស្ត្រដែលកម្លាំងអ្នកស្នេហាជាតិមកពីគ្រប់ទិសទី ទាំងក្នុងនិងក្រៅប្រទេសរួបរួមគ្នាក្រោកឈរឡើងប្រកាសបង្កើតរណសិរ្ស ធ្វើចលនាតស៊ូក្នុងគោលដៅរំដោះជាតិ មាតុភូមិ និងប្រជាជនកម្ពុជាឲ្យរស់រានមានជីវិតឡើងវិញ រួចផុតពីគ្រោះមហន្តរាយ និងការកាប់សម្លាប់នៃរបបកម្ពុជាប្រជាធិបតេយ្យរបស់ បនប្រល័យពូជសាសន៍ប៉ុលពត។ ឯកឧត្តម អ៊ុំ រាត្រី អភិបាលខេត្តនិងជាប្រធានរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តបន្ទាយមានជ័យ បានមានប្រសាសន៍ថា អង្គមិទ្ទិញនាពេលនេះ ត្រូវបានប្រារព្ធឡើងក្នុងគោលបំណងរំលឹកឡើងវិញនូវទិវាជាប្រវត្តិសាស្ត្រ នៃដំណើរចាប់ផ្ដើមរស់រានមានជីវិតរបស់ជាតិ មាតុភូមិ និងប្រជាជនកម្ពុជា និងដើម្បីប្រកាសជាឱឡារិកថា រណសិរ្ស ២ ធ្នូ មិនត្រឹមតែសង្គ្រោះយើងទាំងអស់គ្នាឱ្យចាកផុតពីគ្រោះមហន្តរាយ នៃរបបប្រល័យពូជសាសន៍ ប៉ុណ្ណោះទេ ប៉ុន្តែរណសិរ្ស ២ ធ្នូ ក៏បានរួមចំណែកយ៉ាងធំធេងជាមួយរាជរដ្ឋាភិបាល និងគណបក្សប្រជាជនកម្ពុជា ក្នុងការស្ដារ កសាង និងអភិវឌ្ឍន៍សង្គមជាតិនៅគ្រប់ដំណាក់កាល ធ្វើឱ្យមាតុភូមិកម្ពុជាប្រែមុខមាត់ថ្មីជាបន្តបន្ទាប់។ ឯកឧត្តម អ៊ុំ រាត្រី បានបន្តថា ឈរលើមូលដ្ឋាន នៃសុខសន្តិភាព និងស្ថិរភាពនយោបាយ […]

ខេត្តបន្ទាយមា​នជ័យ៖ពិតជា​ហា​ន​ណា​ស់​ចោ​​ មានគ្នា ២នាក់ ជិះម៉ូតូធ្វើស​កម្មភាព​ឆក់កា​បូបពី​ជន​ជាតិថៃ ២នាក់ប្តី​ប្រពន្ធ​ដែល​កំពុង​ជិៈម៉ូតូ​ ត្រូវបាន​សន្តិ​សុខ​ធាក់​ផ្តូល​​ចាប់​បានម្នាក់​និងម្នាក់​ទៀតគេ​ចខ្លួន​ដោយ​សុវត្តិភា​ព ​ដោយសា​រចោរូបនេះ បាន​ដកពូ​ថៅចេញ​ពី​ចង្គេះ​បម្រុងគ​ប់ទៅ​លើសន្តិសុខ ។​ករណីនេះបានកើតឡើងនាព្រឹកព្រលឹមថ្ងៃទី២៩ ខែសី​ហា ឆ្នាំ២០​២៣ នៅចំណុចដី សរ ស្ថិត​នៅក្នុង​ភូមិក្បាលស្ពាន ១ សង្កាត់អូរជ្រៅ ក្រុងប៉ោ​យប៉ែត ខេត្តបន្ទា​យមានជ័យ។ បើតាមម​ន្ត្រីនគរបា​លប៉ុស្តិ៍​សង្កា​ត់អូរជ្រៅ​បាន​ឲ្យដឹងថា៖នៅមុ​នពេល​កើតហេ​តុគេបា​នឃើញ​ជន​សង្ស័យ​មានគ្នា ២នាក់ ​បានជិៈ​ម៉ូតូ​ម៉ាក់​ហុងដា​ឌ្រីម​ពាក់ផ្លាក់​លេខបន្ទា​យមានជ័យ​1U.0607បាន​ធ្វើ​សកម្មភា​ព ឆ​ក់កាបូ​បពី​ជនជាតិថៃ ២នាក់ប្តីប្រពន្ធ ដែល​កំពុងជិៈម៉ូតូ​ម៉ាក់PCX​ពាក់ផ្លាក់លេ​ខភ្នំពេ​ញ1​FT.7086ដែលបើ​កបរស្រ​បទិ​សគ្នា​នៅមុ​ខវត្តត្រា​ច។ មន្ត្រីន​គរបាល​បានបញ្ជាក់​ថា៖ក្រោ​យ​ជន​សង្ស័យបា​នកា​បូប​ហើយ ជនរង​គ្រោះ​២នា​ក់ប្តី​ប្រពន្ធ បាន​ជិៈម៉ូតូ​ដេញ​តាម​ហើយ​ស្រែក​ឲ្យ​គេជួ​យរហូ​តដ​ល់ចំ​ណុចខាងលើ​ គាប់​ជួន​សន្តិសុខ​នៅ​ពីមុខ​ឃើញ​ក៏បាន​ធាក់​ម៉ូតូផ្តួល​ទើ​បចាប់បា​នម្នាក់ និ​ងម្នាក់ទៀ​ត​ទាញពូ​ថៅពី​ចង្កេះ​រកកា​ប់​សន្តិសុខ ​ទើប​រត់គេ​ចខ្លួន​បាត់​ដោយ​សុវត្ថិ​ភាព​។ក្រោ​​យ​ពីសន្តិ​សុខ​ចា​ប់​បា​ន​ជន​សង្ស័យ​ម្នាក់ ​និង​ម៉ូតូ​១​គ្រឿង​ រួចក៏​បានប្រគ​ល់​ឲ្យគ​របាល​ប៉ុស្តិ៍​សង្កាត់​អូរជ្រៅ ​ដើម្បីចាត់​ការ​តាមនិតិវិ​ធី ។ ចំ​ណែក​កាបូប​ចាប់បាន​ម​កវិញ​ មន្ត្រីន​គរបា​លប៉ុស្តិ៍ស​ង្កាត់​អូរជ្រៅ ​ប្រគ​ល់ជូ​ន​ជន​រងគ្រោះ​ជាជ​នជាតិថៃវិញ​ ។​ដោយឡែក​ជនស​ង្ស័យម្នាក់​ទៀត​ដែលកំពុងរត់គេចខ្លួន​នោះ កម្លាំង​សមត្ថកិច្ចកំពុងធ្វើ​ការស្រាវជ្រាវ ដើម្បីកំ​ណត់មុ​ខសញ្ញា​ឈានដល់​ការ​ចាប់​ឃាត់ខ្លួន​យកមកផ្តន្ទាទោ​សតាមច្បា​ប់ផងដែរ ៕

ខេត្តកណ្ដាល៖ប្រជា​ពលរដ្ឋ ចំនួន ២គ្រួសារ ដែលរង​គ្រោះដោ​យភ្លើងឆេះផ្ទះ ​នៅភូមិកោះទៀវ (ក) សង្កាត់​សំពៅពូន ក្រុងសំ​ពៅពូន ​ខេត្តកណ្ដាល ទទួលបានអំណោយពីសា​ខាកាកបាទ​ក្រហមកម្ពុ​ជាខេត្ត​កណ្ដាល ដែលដឹកនាំដោយ លោក ទៀង សុគន្ធ នាយកសា​ខាកាកបា​ទក្រហម​កម្ពុជា​ខេត្ត​កណ្ដា​ល តំណាងឯកឧត្តម​ គង់ ​សោភ័ណ្ឌ​ អភិបាល ​នៃគណៈអភិ​បាលខេត្តកណ្ដាល និងជាប្រធា​នគណៈកម្មាធិកា​រសាខាកា​កបាទក្រហម​កម្ពុជាខេត្ត នាព្រឹកថ្ងៃទី២០ ខែកក្កដា ឆ្នាំ២០២៣។ មានប្រសាសន៍​នាឱកាសនោះដែរ លោក ទៀង សុគន្ធ បាននាំមកនូវ​ការផ្ដាំផ្ញើសាក​សួរសុខទុក្ខពីសំ​ណាក់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម គង់ សោភ័ណ្ឌ ប្រធា​នគណៈកម្មាធិការ​សាខាកាកបាទក្រហមកម្ពុជាខេត្តកណ្ដាល ដោយក្ដីនឹករលឹក និងអាណិ​តអាសូរជាទីបំផុត។ លោក​នាយកសាខា បន្តថា កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន សម្ដេចតែងគិតគូរជានិច្ចអំ​ពីសុខទុក្ខរបស់ប្រជាពលរដ្ឋទូទៅនៅគ្រប់ពេលវេលា និងថែមទាំងបានណែនាំ​ជាប្រចាំ ដល់មន្រ្តីនៅថ្នាក់មូលដ្ឋានទាំងអស់ ត្រូវពិនិត្យមើលពីជីវ​ភាពរស់​នៅ​របស់ប្រជាពលរដ្ឋ ព្រមទាំងចុះសួរសុខទុក្ខដល់ជនងាយរងគ្រោះ និងជនរង​គ្រោះដោយ​គ្រោះមហន្តរាយផ្សេងៗ […]