ខេត្តស្វាយរៀង:លោក ប៉េង ពោធិ៍សា អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត នារសៀលថ្ងៃទី២៩ ខែវិច្ឆិកា ឆ្នាំ២០២២នេះ បានអញ្ជេីញជាអធិបតីក្នុងកិច្ចប្រជុំផ្សព្វផ្សាយផែនការគណៈបញ្ជាការឯកភាពរដ្ឋបាលខេត្តស្វាយរៀង ស្តីពីការការពារសន្តិសុខ សណ្តាប់ធ្នាប់ របៀបរៀបរយ សម្រាប់ដំណើរការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២២ ។
កិច្ចប្រជុំនេះបានប្រព្រឹត្តទៅនៅសាលប្រជុំស្នងការដ្ឋាននគរបាលខេត្ត ដោយមានការអញ្ជើញចូលរួមពីលោកឧត្តមសេនីយ៍ត្រី ស្នងការនគរបាលខេត្ត លោកឧត្តមសេនីយត្រី មេបញ្ជាការរងកងរាជអាវុធហត្ថខេត្ត លោកអនុប្រធានមន្ទីរសុខាភិបាលខេត្ត លោកអភិបាលរងក្រុងស្វាយរៀង លោកឧត្តមសេនីយ៍ វរសេនីយ៍ ស្នងការរង លោកមេបញ្ជាការរងកងរាជអាវុធហត្ថខេត្ត កម្លាំងនគរបាល និងកម្លាំងកងរាជអាវុធហត្ថ ដែលជា ប្រធាន អនុប្រធាន ផ្នែក / គោលដៅ ការពារ សរុបវត្តមាន ៤១ នាក់ ។
បន្ទាប់ពីចប់កិច្ចប្រជុំនេះអភិបាលរងខេត្ត លោកឧត្តមសេនីយ៍ ស្នងការ រួមជាមួយក្រុមការងារ បានចុះពិនិត្យ ទីតាំងមណ្ឌលប្រឡង ទាំង៧ ក្នុងខេត្តស្វាយរៀងផងដែរ ៕
