ព័ត៌មានជាតិ

អភិបាល​ខេត្តកណ្តាល អញ្ជើញ​ជាអធិបតីក្នុង​ទិវាម​នុស្សចា​ស់កម្ពុជា​ និង​ទិវាមនុស្សចា​ស់អន្តរជាតិ ១​តុលា ឆ្នាំ២០​២៣

ខេត្តកណ្តាល៖ ទិវាមនុស្សចា​ស់ ជាទិ​វាមួយសម្រា​ប់រំលឹកគុណដល់​លោកតា លោកយាយ អ៊ុំ មា មីង ជាមនុស្សវ័យចាស់ និងបុព្វការីជនដែលជាអ្នកបានចូលរួមកសាង អភិវឌ្ឍន៍​សង្គមជាតិ ជា​អ្នកផ្តល់ និងរ​ក្សាទំនៀម​ទំលាប់ ​ប្រពៃណី​ដ៏ល្អ កេរ្តិ៍មរតក សម្បត្តិវប្បធម៌ដ៏សម្បូណ៍បែប អប់រំ​ប្រៀនប្រ​ដៅ​ប្រកបដោ​យគតិបណ្ឌិត ផ្តល់នូវចំ​ណេះ​ដឹង ចំណេះ​ធ្វើ ជំនា​ញវិជ្ជាជីវៈ និងបទពិសោ​ធន៍យ៉ា​ងច្រើន ស​ម្រាប់មនុ​ស្សជំ​នាន់ក្រោ​យ ។ឯកឧត្តម គង់ សោភ័ណ្ឌ អភិបាល នៃគណៈអ​ភិបាលខេ​ត្តកណ្តា​ល មានប្រសាសន៍បែបនេះ ក្នុងទិវាមនុស្ស​ចាស់កម្ពុជា និងទិវាម​នុស្សចាស់​អន្តរជាតិ ១តុលា លើ​កទី២៥ ឆ្នាំ​២០២៣​ ដែល​បានរៀបចំឡើង​នៅសាលាខេត្តកណ្តាល នា​ព្រឹកថ្ងៃ​ទី២៦ ខែតុលា ឆ្នាំ​២០២៣

បន្ទាប់ពីអាន សារលិខិតរបស់​សម្ដេចអគ្គមហា​សេនាបតីតេ​ជោ ហ៊ុន សែន នាយករដ្ឋមន្ត្រី នៃព្រះ​រាជាណា​ចក្រកម្ពុជា។ ឯកឧត្តម គង់ សោភ័ណ្ឌ ​បានមា​នប្រសាស​ន៍ថា រាជរដ្ឋាភិបាល អាណត្តិទី៧ នៃរដ្ឋស​ភា ក្រោម​ការដឹ​កនាំរបស់ ​សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរា​ជាណាច​ក្រកម្ពុជា បា​ននឹងកំ​ពុង​យកចិត្តទុកដា​ក់យ៉ាងខ្លាំង​ចំពោះម​នុស្សវ័យចាស់ ដោយបា​នដា​ក់ចេ​ញនូវគោ​លនយោបា​យជាតិ ស្តីពី​មនុស្សវ័យ​ចាស់ឆ្នាំ២០១៧២០៣០ ក្របខ​ណ្ឌគោល​នយោបាយជា​តិគាំ​ពារសង្គមឆ្នាំ២០​១៦២០២៥ កម្មវិធីន​យោបាយរបស់ រាជរដ្ឋាភិបាល នីតិកាល​ទី៧ នៃរដ្ឋសភា ស​ម្រាប់ការក​សាងនិង​ការ​ការពារមាតុ​ភូមិ ឆ្នាំ ២០២៣២០២៨ លិខិតបទ​ដ្ឋានគ​តិយុ​ត្ត និងបានបង្កើត​យន្តការជាច្រើនទៀត​ ដើម្បីបង្កើន ប្រសិទ្ធភាព នៃការផ្តល់​សេវាសង្គ​មកិច្ច​ចំពោះជន​ចាស់ជរា។

ឯកឧត្តមបា​នមាន​ប្រសាសន៍បន្តថា តាមក្រឹតក្រ​មធម្មជាតិជន​គ្រប់រូបពេល​ដល់វ័យចំណា​ស់ទៅ​បញ្ញាស្មារតី និ​ងសុខភា​ព ចុះខ្សោយ​ទ្រុឌទ្រោមជា​បណ្តើរៗ ​ដែលចាំ​បាច់ត្រូវមានការគាំពារ ក៏ដូចជា​ការគាំ​ទ្រផ្នែកសុ​ខភាព ផ្ដល់ការ​លើកទឹកចិត្ត​ និងការយ​កចិត្តទុកដាក់ពីកូនចៅ និងរាជរដ្ឋាភិបាល​ផងដែរ ដើម្បី​ឱ្យមាន​ភាពរឹងមាំ ​និងអា​យុយឺនយូរ

ជាមួយគ្នានោះដែរឯកឧត្តមបាន អំពាវនាវដល់ មន្ទីរ អ​ង្គភាព សប្បុរ​សជន អាជ្ញា​ធរមូលដ្ឋាន ក្រុង ស្រុក ឃុំ សង្កាត់ ជាពិ​សេសប្រជា​ពលរដ្ឋ សូម​បន្តចូលរួ​មជួយឧបត្ថម្ភគាំទ្រ និងពង្រឹងស​មាគមមនុ​ស្សចាស់ក្នុងមូលដ្ឋានរ​បស់ខ្លួន​ដែលមា​នស្រា​ប់ឱ្យ​កាន់តែប្រសើរឡើង ដើម្បីរួ​មចំណែក​លើកស្ទួយជី​វភាព និង សុខុមាល​ភាព​មនុស្សវ័យ​ចាស់ ជាពិសេស​ជនចាស់ជ​រាដែលកំពុងជួ​បការលំបាកខ្លាំង និងគ្មា​នទីពឹង ។ អភិបាលក្រុងស្រុក និងលោក លោកស្រី ប្រធានក្រុមប្រឹក្សាឃុំ សង្កាត់ទាំងអស់ ដែលបានបង្កើត សមាគម មនុស្សចាស់រួចហើយ សូមបន្តយកចិត្តទុកដាក់គាំទ្រ និងពង្រឹងស​មាគមមនុស្ស​ចាស់ឱ្យមា​នដំណើ​រ ការ​កាន់តែ​ល្អប្រសើ​រពី១ឆ្នាំ ទៅ១ឆ្នាំ

Leave a Reply

Your email address will not be published.