(ខេត្តកំពង់ចាម)÷ សេចក្ដីរាយការណ៍ពីពលរដ្ឋ៖ជូនដល់អាជ្ញាធរមានសមត្ថកិច្ចថា៖ មានល្បែងសុីសងជល់មាន់និងអាប៉ោងខ្នាតធំនៅចំណុចក្រោយដើមពោធិ៍ទី២ ភូមិដីក្រហម ឃុំសុភាស ស្រុកស្ទឹងត្រង់ ខេត្តកំពង់ចាម។
ប្រភពបងប្អូនប្រជាពលរដ្ឋបានបង្ហើបថា៖ម្ចាស់សង្វៀនជល់មាន់ ឈ្មោះ នឿ និង អ្នកបាញ់មេអាប៉ោងមានឈ្មោះ គា និងមានអ្នករត់ការក្រោមតុ នៅពីក្រោយម្ចាស់សង្វៀន ជល់មាន់និងអាប៉ោង មានឈ្មោះវីន ហើយជាសមត្ថកិច្ចទៀតផង។
ទីតាំងល្បែងសុីសងខុសច្បាប់ មាន់ជល់និងអាប៉ោង មួយកន្លែងនេះមានខ្នងបង្អែកធំហើយមើលទៅ ជាក់ស្តែងនៅថ្ងៃទី៣០ ខែកក្កដា ឆ្នាំ២០២២នេះ នៅចំណុចក្រោយដើមពោធិ៍ទី២ ភូមិដីក្រហមទីតាំងល្បែងសុីសងមួយនេះកំពុងបើកលេងយ៉ាងសប្បាយ ដែលស្ថិតនៅក្នុងទឹកដី ឃុំសុភាស ស្រុកស្ទឹងត្រង់ ខេត្តកំពង់ចាម។ បច្ចុប្បន្ននេះ នៅតែបន្តបើកល្បែងសុីសងជល់មាន់ និងអាប៉ោងខុសច្បាប់ យ៉ាងសកម្ម ។ តើម្ចាស់សង្វៀនជល់មាននិងអាប៉ោង ម្នាក់នេះមានបារមីខ្លាំងបុណ្ណា? រឺមានខ្នងធំនៅពីក្រោយ ទើប លោកវរសេនីយ៍ឯក ឯម វឌ្ឍនា អធិការនគរបាលស្រុកស្ទឹងត្រង់ មិនហ៊ានធ្វើការបង្រាប? ហើយនៅតែរក្សាភាពស្ងៀមស្ងាត់ មិនចាត់វិធានការ បានហ៊ានបណ្តោយឲ្យទីតាំងល្បែងមួយនេះបើកលេងយ៉ាងអនាធិបតេយ្យ។
សង្ស័យម្ចាស់ទីតាំងល្បែងមួយនេះ សែនត្រូវអស់ហើយ? រឺមួយបានផ្ដល់លាភសក្ការៈប្រចាំខែ ទៅឲ្យ អាជ្ញាធរមានសមត្ថកិច្ចក្នុងមូលដ្ឋាន ជាថ្នូរដើម្បីមិនឲ្យបង្រ្កាបទីតាំងល្បែងមួយនេះ។
ទើបម្ចាស់ទីតាំងល្បែងសុីសង ហ៊ាននាំគ្នាបើកលេងជល់មាន់ ភ្នាល់ចាក់លុយ ក្នុង១គូៗ រាប់ លាន.រៀល) ទៅដល់ រាប់ ពាន់.ដុល្លារ.ចំណែកអាប៉ោងក៍ចាក់លុយធំៗទៀតផង ហើយនាំគ្នាស្រែកហ៊ោកញ្ជៀវយ៉ាងសប្បាយហាក់ដូចមិនខ្លាចញញើត អាជ្ញាធរមានសមត្ថកិច្ចមូលដ្ឋាន។
គួរម្លឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាសុខសុវត្ថិភាពជួនប្រជាពរដ្ឋ ឲ្យស្របតាម គោល នយោបាយ ភូមិ ឃុំ មានសុវត្តិភាព ទាំង៧ចំណុច របស់ រាជរដ្ឋាភិបាល ដែលដាក់ចេញដោយក្រសួងមហាផ្ទៃ ។
បច្ចុប្បន្ននេះកំពុងធ្វើឲ្យប្រជាពលរដ្ឋរស់នៅមានការព្រួយបារម្ភនិងភ័យខ្លាច អំពីបញ្ហាអសន្តិសុខ និងបទល្មើសផ្សេងៗ(ពោលគឺ) លួច ឆក់ ប្លន់ និងអំពើហិង្សាក្នុងគ្រួសារ ជាដើម។ល។
ជុំវិញបញ្ហារឿងល្បែងសុីសងខុសច្បាប់ មួយកន្លែងនេះអង្គភាពសារព័ត៌មានយើងព្យាយាមរាយការណ៍ផ្តល់ព័ត៌មាននិងសុំការបំភ្លឺពីលោកវរសេនីយ៍ឯក ឯម វឌ្ឍនា អធិការនគរបាលស្រុកស្ទឹងត្រង់ដែរតែខលមិនចូល។ហើយបានដាក់តាមប្រព័ន្វtelegramនិងWhatsAppទៀតតែលោកមិនចូលមើលសង្ស័យតែប្រឡុកអ្នកសារព័ត៌មានដែលធ្លាប់រាយការណ៍ជូនលោកទេដឹង?។
ពាក់ព័ន្ធនឹងករណីខាងលើនេះដែរ អង្គភាពសារព័ត៌មានយើងរង់ចាំបកស្រាយបំភ្លឺពីអាជ្ញាធរពាក់ព័ន្ធឬ សមុីភាគីពាក់ព័ន្ធទាំងអស់រៀងរាល់ម៉ោងធ្វើការ។
ជុំវិញករណីនេះប្រជាពលរដ្ឋដែលរស់នៅក្នុងមូលដ្ឋាន ឃុំព្រែកកក់ ស្រុកស្ទឹងត្រង់ បាននាំគ្នាធ្វើការសំណូមពរ ហើយជឿជាក់ទៅដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាពិសេស ឧត្តមសេនីយ៍ទោ ឯម កុសល់ ជាស្នងការនគរបាលខេត្តកំពង់ចាម រួមទាំង ឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម គួរតែមានវិធានការចាត់កម្លាំងជំនាញ ក្រោមឪវាទ ចុះធ្វើការបង្ក្រាបផងទាន!។
អង្គភាព អ្នកសារព័ត៌មាន គ្រាន់តែជា កញ្ចក់ ឆ្លុះបញ្ចាំង និងផ្សព្វផ្សាយព័ត៌មាន និងជាដៃគូរ ក្នុងការ អភិវឌ្ឍន៍ សង្គមជាតិ សូមអរគុណ៕
