ព័ត៌មានសន្តិសុខសង្គម

ក្រោយកើតហេតុការណ៍ដ៏អមនុស្សធម៌នេះ ឯកឧត្តម ឈាង រ៉ា រដ្ឋមន្រ្តីក្រសួងសុខាភិបាល បានបញ្ជាឱ្យជំនាញពាក់ព័ន្ធចុះធ្វើអធិការកិច្ចរកឃើញថា មន្ទីរសម្រាកព្យាបាល និងសម្ភព សុងហាក់ ម៉ារីណា ស្ថិតនៅភូមិបឹងពញ្ញាគុក ឃុំត្រពាំងក្រសាំង ស្រុកបាទី ជាទីតាំងផ្តល់សេវាសុខាភិបាលឯកជន«ឥតច្បាប់» នេះបើតាម សេចក្តីបំភ្លឺរបស់ មន្ទីរសុខាភិបាលខេត្តតាកែវ ដែលបានចាត់វិធានការភ្លាមជាបន្ទាន់ ដោយរួមសហការជាមួយ អាជ្ញាធរមានសមត្ថកិច្ច៖ ១. បញ្ឈប់ដំណើរការទីតាំងផ្តល់សេវាសុខាភិបាលឥតច្បាប់ឈ្មោះ សុងហាក់ ម៉ារីណា ដោយមិនឱ្យមានសកម្មភាពជាដាច់ខាត ២. អាជ្ញាធរមានសមត្ថកិច្ចបានឃាត់ខ្លួនម្ចាស់ទីតាំងផ្តល់សេវាសុខាភិបាលឥតច្បាប់នោះ ដើម្បីសាកសួរ និងចាត់វិធានការតាមផ្លូវច្បាប់ជាធរមាន ៣. មន្ទីរសុខាភិបាលនៃរដ្ឋបាលខេត្តតាកែវ រួមជាមួយគណៈគ្រូពេទ្យ និងក្រុមការងារអធិការកិច្ចក្រសួង សុខាភិបាល ធ្វើការស្រាវជ្រាវ និងចាត់វិធានការចំពោះជនបង្កតាមផ្លូវច្បាប់យ៉ាងម៉ឹងម៉ាត់បំផុត។ មន្ទីរសុខាភិបាលនៃរដ្ឋបាលខេត្តតាកែវ ក្នុងនាមរដ្ឋបាលខេត្តតាកែវ សូមប្ដេជ្ញាចិត្តចំពោះមុខក្រសួងសុខាភិបាល បន្តខិតខំចុះពិនិត្យរាល់សកម្មភាពលើសេវាសុខាភិបាលឯកជនឥតច្បាប់ និងចាត់វិធានការយ៉ាង តឹងរ៉ឹងបំផុត ចំពោះជនបង្ករ ដើម្បីការពារសុខភាពសុវត្ថិភាពរបស់ប្រជាពលរដ្ឋ ក្នុងដែនសមត្ថកិច្ចរបស់ខ្លួន។ សូមបញ្ជា់ថា បន្ទាប់ពីប្រទះឃើញស្ត្រីម្នាក់បានដេកស្លាប់ក្នុងគុម្ពព្រៃ ដោយមានក្មេងម្នាក់យំអោបសពយ៉ាងអាណោចអាធ័មផង ស្ថិតនៅភូមិម្រះព្រៅ ឃុំចំបក់ ស្រុកបាទី សមត្ថកិច្ចនគរបាលស្រុកបាទី ដឹកនាំដោយ លោកវរសេនីយឯក ឆាយ […]

(ខេត្តតាកែវ)៖  ករណីម្ចាស់គ្លីនិកមួយកន្លែង ចាក់ថ្នាំខុសបណ្តាលអោយស្រ្តីម្នាក់ប្រតិកម្មដល់ស្លាប់ ហេីយគ្រូពេទ្យដឹកយកសពស្ត្រីរងគ្រោះ និងកូនដែលមកជាមួយអាយុ ៣ខួប យកមកប្លុងចោល ចម្ងាយប្រមាណ ៣គីឡូមែត្រ ពីផ្ទះរបស់សពស្ត្រីរងគ្រោះ។ ហេតុការណ៍នេះកេីតឡេីងនៅថ្ងៃទី ១៩ ខែវិច្ឆិកា ឆ្នាំ ២០២៤ , នៅចំណុច ភូមិម្រះព្រៅកេីត ឃុំចំបក់ ស្រុកបាទី ខេត្តតាកែវ ។ បច្ចុប្បន្ន សមត្ថកិច្ចបានធ្វើការឃាត់ខ្លួនពីរនាក់ប្ដីប្រពន្ធ ដែលជាម្ចាស់មន្ទីរមន្ទីរពេទ្យឯកជន ឈ្មោះ ស៊ុន ម៉ារីណា បានហើយ ។ បញ្ជាក់៖ សពស្ត្រីរងគ្រោះមានឈ្មោះ ណាំ ចន្ធូ អាយុ ៤១ឆ្នាំ រស់នៅភូមិ ម្រះព្រៅ ឃុំចំបក់ ស្រុកបាទី ខេត្តតាកែវ និងកុមារម្នាក់ទៀត អាយុ០៣ឆ្នាំ ជាកូនរបស់សពស្ត្រីរងគ្រោះ៕

(ភ្នំពេញ)៖ សេចក្តីរាយការណ៍ដែលបណ្តាញព័ត៌មានទទួលបាននៅថ្ងៃទី១២ ខែវិច្ឆិកា ឆ្នាំ២០២៤នេះ បានបញ្ជាក់ថា: លោក ឡាយ វិសិដ្ឋ បានសូកប៉ាន់លុយចំនួន ៥៧ម៉ឺនដុល្លារ ចង់បានតំណែង តាមរយៈលោក លី សាម៉េត និងលោក ឡាច សំរោង។ ក្រោយបញ្ចប់ការសួរនាំ, អង្គភាពប្រឆាំងអំពើពុករលួយ បានបញ្ជូនលោក ឡាយ វិសិដ្ឋ ទៅតុលាការ នាព្រឹកថ្ងៃទី១២ ខែវិច្ឆិកា ឆ្នាំ២០២៤នេះ។ សូមបញ្ជាក់ថា ពាក់ព័ន្ធនឹងការសូកប៉ាន់រត់ការចង់បានតំណែងនេះ អង្គភាពប្រឆាំងអំពើពុករលួយ ក៏បានសម្រេចឃាត់ខ្លួនលោក មួង ឃីម និងលោកឧកញ៉ា អ៊ុត ធី ផងដែរ ហើយត្រូវបានតំណាងអយ្យការសម្រេចចោទប្រកាន់ជាផ្លូវការកាលពីថ្ងៃទី១១ ម្សិលមិញ៕

ម៉ោង១១យប់ថ្ងៃ៣១តុលា២០២៤ចៅ ណន សុខហេង បានវិលត្រឡប់ទៅ ដល់ភូមិកំណើតជួបជុំប្រពន្ធកូននិង ក្រុមគ្រួសារវិញ ក្រោមការរៀបចំរបស់លោកជួន ណារិនអគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ។ សូមអរគុណគ្រប់តួអង្គពាក់ពន្ធដែលបានចូលរួមដោះស្រាយរឿងនេះពិសេសអរគុណចំពោះបងប្អូនដែល លេងបណ្តាញសង្គមជួយផ្តល់ដំណឹង ដល់ខ្ញុំដែលធ្វើឲ្យរឿងនេះដោះស្រាយបានតិចជាង២០ម៉ោង។ ជូនពរ ចៅណន សុខហេង និងក្រុម គ្រួសារជួបតែសេចក្តីសុខសេចក្តីចម្រើន៕

____ ដោយអនុវត្តតាមការចង្អុលដឹកនាំរបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅថ្ងៃទី០៩ ខែតុលា ឆ្នាំ២០២៤ កម្លាំងជំជំនាញស្នងការដ្ឋាននគរបាលខេត្ដកណ្ដាល បានសហការជាមួយកម្លាំងស្នងការដ្ឋាននគរបាលរាជធានីភ្នំពេញ និងកម្លាំងនាយកដ្ឋានព្រហ្មទណ្ឌ បើកកិច្ចប្រតិបត្ដិការស្រាវជ្រាវបង្ក្រាប ករណី៖ ឆបោក, គំរាមកំហែងដោយមានបញ្ជាឱ្យបំពេញលក្ខខណ្ឌអ្វីមួយ និងប្រើប្រាស់ដោយខុសច្បាប់នូវសារធាតុញៀន (ល្បិចបោកតាមអនឡាញក្នុងរូបភាពគម្រាមទារប្រាក់) -កើតហេតុ៖ នៅថ្ងៃទី០៤ ខែតុលា ឆ្នាំ២០២៤ វេលាម៉ោង០៦:៥៩នាទី -នៅចំណុច៖ ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្ដាល ។ **ជនរងគ្រោះ០១នាក់ -ឈ្មោះ ជា សុខចាន់ ភេទប្រុស ជាសមាជិកគណៈមេធាវី នៃព្រះរាជាណាចក្រកម្ពុជា (ជាមេធាវីតំណាង) ***(ឃាត់ខ្លួនជនសង្ស័យចំនួន០៤នាក់ ) ១.ឈ្មោះ ហ៊ុន សុភ័ក្រ្តត្រា ហៅឃ្នូ ភេទប្រុស អាយុ២៧ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើតសង្កាត់អូរឫស្សីទី២ ខណ្ឌ៧មករា ក្រុងភ្នំពេញ ។ ២.ឈ្មោះ ស៊ឹម សុខហេង ភេទប្រុស អាយុ៣៤ឆ្នាំ ជនជាតិខ្មែរ សញ្ជាតិខ្មែរ មានស្រុកកំណើតភូមិអូរអំបិល ឃុំអូរអំបិល ស្រុកសិរីសោភ័ណ្ឌ ខេត្តបន្ទាយមានជ័យ។ […]

(ខេត្តកណ្តាល)៖ ដោយមានការបញ្ជាផ្ទាល់ពី ឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល លោក ចេង ឌីណា អភិបាលស្រុកខ្សាច់កណ្ដាល បានដឹកនាំគណៈបញ្ជាការឯកភាពស្រុក និងអាជ្ញាធរឃុំ ភូមិ វាយកំទេចរបង់ និងកាយដី ដែលបានសាងសង់ និងចាក់ រំលោភព្រែក ខុសច្បាប់មួយកន្លែង ដែលរឹងរួស និងមិនអនុវត្តតាមសេចក្តីជូនដំណឹង និងការហាមឃាត ជាច្រើនលើកច្រើនសារ របស់អាជ្ញាធរ ស្ថិតនៅភូមិក្រូចសើច ឃុំពុកឬស្សី ស្រុកខ្សាច់កណ្តាល ខេត្តកណ្តាល ។

កាលពីថ្ងៃទី២៤ ខែមិថុនា ឆ្នាំ២០២៤ កន្លងទៅឯកឧត្តម ដួង តារា បានបង្ហោះសារនៅលើបណ្តាញសង្គម ហ្វេសប៊ុក ដែលមានអត្ថន័យទងស្រុងថា÷ 24/6/2024 បងប្អូនជាទីគោរពស្រឡាញ់ មួយរយៈពេលថ្មីៗកន្លងមកនេះ មានបុគ្គលនិងសារព័ត៍មានមួយចំនួនបង្កើត “ព័ត៍មានមិនពិត Fake News” មានចេតនាលាបពណ៍បំភ្លៃមួលបង្កាច់ទម្លាក់កំហុសមកលើខ្ញុំដោយប្រើពាក្យថាជា ”ជនទុច្ចរិត“បានចូលរួមបោកប្រជាពលរដ្ឋជាមួយក្រុមហ៊ុនភូមិមរតកខេត្តស្វាយរៀង ដែលមាន លោក សោម សុធា ជាម្ចាស់ក្រុមហ៊ុន។ ខ្ញុំមិនតបតហើយកំពុងរងចាំមើលការបង្ហាញភស្តុតាងពិតប្រាកដដែលពួកគេរៀបចំបង្កើតឡើងយកមកផ្សព្វផ្សាយបំភ័ន្តភ្នែកមហាជន។ គឺមិនមានអ្វីក្រៅពីរូបថតដែលខ្ញុំបានចូលរួមចែកស្បៀងអាហារជួយពលរដ្ឋខ្វះខាត និងរូបថតខ្ញុំបានចូលរួមអាហារសាមគ្គីជាមួយពួកគាត់តែប៉ុណ្ណោះ។ កន្លងមក ខ្ញុំបានចូលរួមកម្មវិធីមួយចំនួនទាំងជាមួយព្រះសង្ឃ, សមាគមយុវជន, សិស្សនិស្សិត និង ក្រុមហ៊ុនឯកជនជាដើម…។ ក្នុងនោះក៏បានចូលរួមនៅក្នុងកម្មវិធីសប្បុរសធម៍ក្រុមហ៊ុនភូមិមរតក លោក សោម សុធា ផងដែរ។ ការចូលរួមរបស់ខ្ញុំគឺបង្ហាញពីការគាំទ្រវិស័យឯកជន និងលើកទឹកចិត្តក្រុមហ៊ុនរកស៊ីសុចរិត មានការទទួលខុស​ត្រូវ និងចេះចូលរួមជួយសង្គមជាតិ។ ខ្ញុំសូមបញ្ជាក់ថា ខ្ញុំមិនបានស្គាល់ លោក សោម សុធាក្នុងអំឡុងពេលគាត់បង្កើតក្រុមហ៊ុនរកស៊ីដីធ្លីឈ្មោះ “ភូមិមរតក” ដែលមានមនុស្សមួយចំនួនបានដាក់ទុនរកស៊ីជាមួយជាមួយគាត់រួចមកហើយនោះដែរ។ ទោះបីខ្ញុំស្គាល់ក្រុមហ៊ុននៅពេលក្រោយមែន ក៏ខ្ញុំមិនដែលបានទៅនិយាយធានាអះអាងអ្វីចំពោះមុខអ្នកដាក់ទុនរកស៊ីជាមួយគ្នាគាត់ទាំងអស់នោះដែរ។ នៅថ្ងៃទី ៣ ខែ កុម្ភះ ឆ្នាំ២០២៤ […]

«ឯកឧត្តម ឌួង តារា» VOD ថ្មីៗនេះបានសរសេរព័ត៌មានមិនល្អ (មិនពិត) អំពីខ្ញុំ អាចថាជាចេតនាទុច្ចរិតទម្លាក់កំហុសលើរូបខ្ញុំអោយឃ្លាតឆ្ងាយពីការងារសង្គម នេះបើតាមអត្ថន័យដែលក្រុមគាត់សរសេរកាលពីម្សិលមិញ 04/06/2024 ថា “ឧក្រិដ្ឋជនឆរបោកនៅខេត្តស្វាយរៀងជាមនុស្សស្និទ្ធនឹងលោកហ៊ុនសែន” គឺធ្ងន់ធ្ងរពេកហើយ។ បន្ទាប់ពី VOD ចេញព័ត៌មានទី១ហើយ មានប្អូនប្រុសម្នាក់ (VOD) បានខលសួរខ្ញុំ +1(253) 527-0045 តើខ្ញុំមានជាប់ពាក់ព័ន្ធអ្វីនឹងក្រុមហ៊ុនភូមិមរតកស្វាយរៀង? ខ្ញុំបានបញ្ជាក់ប្រាប់ VOD យ៉ាងច្បាស់ និងសូមបញ្ជាក់សារជាថ្មីថា ខ្ញុំមិនមានជាប់ពាក់ព័ន្ធអ្វីជាមួយក្រុមហ៊ុននោះឡើយ។ កន្លងមកក្រុមហ៊ុនធ្លាប់បានអញ្ជើញខ្ញុំទៅចូលរួមចែកស្បៀងអាហារជូនពលរដ្ឋក្រីក្រតែប៉ុណ្ណោះ។ ឆ្លៀតក្នុងឱកាសនោះ ខ្ញុំបានលើកទឹកចិត្តដល់ប្អូនៗអោយចូលរួមកសាងអំពើល្អ រកស៊ីសុចរិតត្រឹមត្រូវ និងចេះចែករំលែកជួយសង្គមជាតិ។ ខ្ញុំពិតជាសោកស្តាយ ដែលខ្ញុំបានផ្តល់ការបំភ្លឺប្រកបដោយទំនុកចិត្តនិងភាពស្មោះត្រង់ទៅហើយ បែរជាមិនចាក់ផ្សាយទាំងអស់ ផ្ទុយទៅវិញ VOD យកតែព័ត៌មានមិនពិត (ដែលគ្រាន់តែឮគេថា) យកមកសន្និដ្ឋានប្រឌិតចុះផ្សាយដោយចេតនាមួលបង្កាច់និងទម្លាក់កំហុសទាំងគ្មានមូលដ្ឋានដែលជាទង្វើប្រាស់ចាកក្រមសីលធម៍វិជ្ជាជីវៈសារព័ត៌ដ៏ធ្ងន់ធ្ងរ ហើយដែលផ្ទុយពីការអះអាងរបស់ VOD ថាខ្លួនផ្សាយអ្វីដែលជាការពិតមិនចេះភូតកុហក់ ប៉ុន្តែផ្ទុយទៅវិញការផ្សាយរឿងនេះគឺមិនពិត១០០% តែម្ដង៕