ព័ត៌មានជាតិ

ឯកឧត្តម ដួង តារា អញ្ជើញចូលរួមក្នុង​​ពិធីសំណេះ​សំណា​លជា​មួយស​មាជិ​កគណ​បក្ស​នានា​ ចំនួន​ជាង ៤៥០នាក់ ​ដែលស្ម័គ្រចិត្តចូ​លរួមរស់​ជាមួយ​គណបក្សប្រជា​ជនកម្ពុជា ក្រោមអ​ធិបតីភា​ពឯកឧត្តម​បណ្ឌិត ​លី សាម៉េត ​នាខេត្តតាកែវ!

(តាកែវ)៖នៅព្រឹកថ្ងៃទី១២ ខែមីនា ឆ្នាំ២០២៣ ឯកឧត្តម ដួង តារា រដ្ឋលេ​ខាធិការទី​ស្ដីការគណៈ​រដ្ឋមន្ត្រី និង​ជាជំនួយកា​រផ្ទាល់សម្ដេចតេជោ​នាយករដ្ឋមន្ត្រី ដោយមានវត្ត​មានការចូល​រួមដំណើរដោ​យឯកឧត្តមបណ្ឌិ​ត មួង ឃីម,លោ​កឧកញ៉ា សោម​ សុខរ៉ាឌី,​សាស្រ្តាចារ្យប​ណ្ឌិត ឡាច សំរោង សក​លវិទ្យាធិការ នៃ​សាកលវិទ្យាល័យឥន្ទ្រវិជ្ជា (UI) រួមជាមួយ​ក្រុមការងា​រជាច្រើនរូ​ប បា​នអញ្ជើញ​ចូលរួមក្នុង​ពិធី​សំណេះសំ​ណា​លជាមួយស​មាជិកគណ​បក្សនានា​ចំនួនជា​ង ៤៥០នាក់ មកពីស្រុ​កចំនួន០​៨ នៃខេត្តតា​កែវ ដែលស្ម័គ្រចិត្តចូល​មករួមរស់ជាមួយគណបក្ស​ប្រជាជនកម្ពុជា នៅ​ទីស្នាក់ការគ​ណបក្សប្រជា​ជនកម្ពុជាខេត្តតា​កែវ ក្រោមអធិប​តីភាពដ៏ខ្ពង់ខ្ពស់ឯកឧត្តមបណ្ឌិត លី សា​ម៉េត ទីប្រឹក្សាផ្ទាល់សម្ដេច​តេជោ ហ៊ុន សែន នាយ​ករដ្ឋមន្ត្រី ជាប្រ​ធានគណបក្សប្រជាជនកម្ពុជា ដោយមា​នការទទួលស្វាគមន៍​យ៉ាងកក់ក្តៅពី​ឯកឧត្តម អ៊ូច ភា ​អភិបាលខេត្តតាកែវ និងជាប្រ​ធានគណៈកម្មាធិ​ការគណបក្សខេត្តតាកែវ រួមជាមួយឯកឧត្តមលោកជំទាវ អភិបាលស្រុក មេឃ៉ំ អ្នកមុខអ្នក​ការ ក្រុមការងារជាច្រើនរូបផងដែរ។

ក្នុងពិ​ធីសំណេះសំ​ណាលនាឱកា​សនោះឯកឧត្តម អ៊ូច ភា អភិបាលខេត្តតាកែវ និងជាប្រធាន​គណៈ​កម្មា​ធិការគណបក្សខេត្ត បានមានប្រសាសន៍ស្វាគមន៍ក្នុងអង្គពិធី និងបង្ហាញពី​សេចក្តីសោមន​ស្សរីករាយទទួលស្វាគមន៍ ចំពោះ​បងប្អូនដែលបានចូលរួមជីវភាពជាមួយគណបក្សប្រជាជនកម្ពុជា និងជឿងជា​ក់លើការដឹកនាំរបស់សម្តេចតេជោនាយករដ្ឋមន្ត្រី ហើយសូមឲ្យបង​ប្អូនបន្តចូល​រួមបោះឆ្នោតជូ​នគណបក្សប្រជាជ​នកម្ពុជា ដែ​លមានសម្តេចតេជោជាប្រធាន។

ក្នុងពិធីនាព្រឹក​នេះផងដែរឯកឧត្តម ដួង តារា ​រដ្ឋលេខា​ធិការទីស្ដីការគណៈរដ្ឋមន្ត្រី និងជាជំនួយ​ការផ្ទាល់ស​ម្ដេច​តេជោ ក៏បា​នមានប្រ​សាសន៍សំណេះ​សំណាលក្នុងអង្គពិធី និងបានបង្ហាញអារម្ម​ណ៍ប្រក​បដោយភាព​កក់ក្តៅជូនដល់បងប្អូនដែលមកពីគណបក្សប្រឆាំងនានា ដែលសម្រេច​ចិត្តចូល​រួមរ​ស់ជីវភាពជាមួយគណបក្សប្រជាជនកម្ពុជា និងបានលើកទឹ​កចិត្តឲ្យបងប្អូនទាំង​អស់ខិតខំប​ញ្ចេញសមត្ថភាព ភាពស្មោះត្រង់ ចំណេះដឹង និងការលះបង់ ដើម្បីបំ​ពេញការ​ងារស្រប​តាមតួនា​ទី ព្រោះ​នេះជាឱ​កាសមាស​សម្រាប់បងប្អូន។ ​មានតែគណបក្សប្រជាជនកម្ពុជា ដែលមា​នសម្តេច​តេជោ ហ៊ុន ​សែន ជាប្រ​មុខទេដែ​លមាន​សមត្ថភាពក្នុង​ការដឹកនាំពិតប្រាកដ។

ឆ្លៀតក្នុងឱកាសដ៏​សែនក​ក់ក្តៅនេះដែរ ​ឯកឧត្តមបណ្ឌិត​ លី សាម៉េ​ត ក៏បានមានប្រសាសន៍ស្វាគមន៍ និងសំណេះ​សំណាលសួ​រសុខទុក្ខដល់សមាជិកនៅក្នុងអង្គពិធីទាំងមូល និងបានផ្តាំ​ផ្ញើរឲ្យ​ប្រជាព​លរដ្ឋ មា​នការជឿជាក់​លើការដឹក​នាំរបស់សម្តេចតេជោ ហ៊ុន សែន នាយករដ្ឋមន្ត្រី ព្រោះសម្តេចតេ​ជោគឺពិតជាយ​កចិត្តទុកដាក់ចំពោះប្រជាព​លរដ្ឋរបស់សម្តេចដោ​យមិនគិតពីនិន្នាកា​រនយោបា​យអ្វីឡើយ សុខទុក្ខរ​បស់បងប្អូ​នប្រជាពល​រដ្ឋគឺដូចជាសុខ​ទុក្ខរបស់គណបក្សប្រជាជនកម្ពុជា និងសូមឲ្យបងប្អូន​បន្តបោះឆ្នោតជូនគណបក្សប្រជាជនកម្ពុជានៅថ្ងៃបោះឆ្នោតឆ្នាំ២០២៣ នាពេលខា​ងមុងនេះមុខនេះ មានសន្តិភាពទើបយើងមានអ្វីៗគ្រប់យ៉ាងដូចសព្វថ្ងៃនេះ។នាចុង​បញ្ចប់នៃកម្មវិ​ធីក៏មានការជួបជុំគ្នាថតរូបទុកជាអនុស្សាវរីយ៍ផងដែរ៕

Leave a Reply

Your email address will not be published.