ព័ត៌មានជាតិ

ប្រជាពល​រដ្ឋចំនួន ០​២ភូមិ គឺ​ភូមិព្រែ​កតាឡៃ និ​ងភូមិ​ព្រែកអំបិល ស្រុក​ស្អាង ទទួល​បានវិញ្ញាប​នប័ត្រស​​ម្គាល់​ម្ចាស់អ​ចលនវត្ថុ ពីរដ្ឋបាលខេត្តកណ្តាល

ខេត្តកណ្តាល៖ក្នុងឱកាសប្រ​គ​ល់វិញ្ញាប​នបត្រ ​សម្គាល់​ម្ចាស់​ អច​លនវត្ថុ ជូនប្រជាពលរដ្ឋចំនួន ២​ភូមិ គឺភូមិ​ព្រែកតាឡៃ និ​ងភូមិព្រែកអំ​បិល ឃុំព្រែក​អំបិល ស្រុក​ស្អាង ខេត្តកណ្តាល នាព្រឹកថ្ងៃទី១៨ ខែ​មករា ឆ្នាំ២០២៣ នៅក្នុងបរិវេណ វត្តព្រែកអំបិល ឯកឧត្តម គង់ សោភ័ណ្ឌ អភិបាល​​ នៃគណៈ​អភិបាល​ខេត្តកណ្តាល បានមានប្រសាសន៍ថា៖ រាជរដ្ឋាភិបាលកម្ពុជា ជា​ពិសេ​សសម្តេ​ចអគ្គមហា​សេ​នាបតីតេ​ជោ ហ៊ុន សែន នាយករដ្ឋមន្រ្តី នៃកម្ពុជា ដែល​បានយកចិត្តទុក​ដាក់បំផុត​លើការ​អនុវត្ត​កិច្ចការ​នេះកន្លងមក​ ដោយ​បានឧបត្ថម្ភគាំទ្រទាំងផ្នែកបច្ចេកទេស និងផ្នែក​ច្បាប់ក្នុង​ដំណើរកា​រចុះបញ្ជី​ដីធ្លី នៅក្នុងភូមិសាស្ត្រខេត្តរបស់​យើងឱ្យ​មានភាពកាន់​តែល្អប្រសើរឡើងបន្ថែមទៀត ស​ម្រាប់​ការផ្តល់​បណ្ណកម្មសិទ្ធិជូនដល់បង​ប្អូនប្រជាពលរដ្ឋជាម្ចាស់ដី និងអ្នកកាន់​កាប់ដីទាំងឡាយ ដែល​បានបំពេញគ្រប់​លក្ខខណ្ឌ និងបទដ្ឋាន​បច្ចេកទេសស្របតាមច្បាប់ និង​បទដ្ឋាន​គតិយុត្តជា​ធរមាន។

ឯកឧត្តមបន្តថា៖ មន្ទីររៀបចំដែនដី នគ​ររូបនីយកម្មសំណង់ និងសុរិយោដីខេត្ត រួមជាមួយ​មន្ទីរអង្គ​ភាពពាក់ព័ន្ធ និងអាជ្ញាធរគ្រប់លំដាប់ថ្នាក់ គឺដើរតួនាទីយ៉ាងសំខាន់ ក្នុងការ​ចេញវិញ្ញាប​នបត្រសម្គា​ល់ម្ចាស់អចលនវត្ថុ(ប្លង់រឹង) ដល់បងប្អូនប្រជាពលរដ្ឋ ដូច្នេះគ្រប់អង្គភាពពាក់ព័ន្ធទាំងអស់ ត្រូវខិត​ខំយ​កចិត្តទុកដាក់ក្នុងការផ្ដល់សេវា និងសម្រួលដ​ល់បងប្អូនប្រ​ជាពលរដ្ឋ​ឱ្យឆាប់ទទួ​លបាន​វិញ្ញាបន​បត្រសម្គាល់​ម្ចាស់អចល​នវត្ថុ បានទាន់ពេលវេលា និងមិនត្រូវ​បង្កភាពស្មុក​ស្មាញជូនប​ងប្អូនប្រជាព​លរដ្ឋឡើយ។

ឯកឧត្តមអភិបាល​ខេត្ត បន្ថែមថា៖ ​ការចែកប័ណ្ណកម្មសិទ្ធជូនបងប្អូនប្រជាពលរដ្ឋនៅពេលនេះ ជា​ការឆ្លុះ​បញ្ចាំងឱ្យឃើញអំ​ពីការ យកចិត្តទុកដាក់ខ្ពស់​ របស់រាជរដ្ឋាភិបាល ក្រោមការដឹក​នាំដ៏ឈ្លា​សវៃ និងប៉ិនប្រស​ប់ប្រកបដោយគតិបណ្ឌិតរបស់ សម្តេចតេជោ ក្នុងការធានាកម្មសិទ្ធិដីធ្លី ស្រប​ច្បាប់​ជូនប្រជាពលរដ្ឋ សំដៅ​លើកកម្ពស់ជីវភាព សុខុមាលភាព កាត់បន្ថយជម្លោះដីធ្លី និងការ​កាត់បន្ថយ​ភាពក្រីក្រ ព្រមទាំ​ងរួមចំណែ​កដល់ ការព​ង្រឹងយុត្តិធ​ម៌ និង​ស្ថេរភាពសង្គម។ ទន្ទឹមនោះ

ឯកឧត្តម ក៏បានស្នើដល់​បងប្អូនប្រជាព​លរដ្ឋ សូម​ថែរក្សា​ប័ណ្ណនេះឱ្យបានល្អ ហើយសូម​ឱ្យខិតខំ​ថែរក្សាសារដីនេះ​ទុក​សម្រាប់​បង្កប​ង្កើនផល និងទុក​ដល់កូនចៅរបស់យើង។

ថ្លែងក្នុងពិ​ធីនេះ លោក សុខ កាន់រិទ្ធ ប្រធានមន្ទីររៀប​ចំដែនដីនគរូបនីយកម្ម សំណង់ និងសុរិ​យោដីខេត្ត​កណ្ដាល បានឱ្យដឹងថា​៖ គិតមកដល់ពេលនេះ រដ្ឋបាលខេត្ត​បានធ្វើការចែ​កបណ្ណជូនប្រ​ជាពលរដ្ឋសរុប​ចំនួន ១៨៣ លើកស្មើ នឹង​២,៦៥០,៩៤៥ប័ណ្ណ ការចែកវិញ្ញា​បនបត្រសម្គា​ល់ម្ចាស់អច​លវត្ថុ ដែលនឹងត្រូវផ្ដល់ ជូនប្រជាពលរដ្ឋមកពីក្នុងភូមិព្រែកតាឡៃ និងភូមិព្រែកអំបិល ស្រុក​ស្អាង សរុបចំនួន ១,៦៦៨បណ្ណផងដែរ៕

Leave a Reply

Your email address will not be published.