ព័ត៌មានជាតិ

ជនសង្ស័យម្នាក់នេះ ធ្វើសកម្មភាពលួចយកដែកបំពង់ទីបពេលយប់ ត្រូវសមត្ថកិច្ចឃាត់ខ្លួន នៅ​បាត់​ដំបង

ខេត្តបាត់ដំបង៖ បុរសម្នាក់ត្រូវសមត្ថកិច្ចឃាត់ខ្លួន កាលពីថ្ងៃទី២៦ ខែធ្នូ ឆ្នំា២០២២ ក្រោយ​ពីឆែកមើ​ល​កាំមេរ៉ាសុវត្ថិភាពច្បាស់ដូចថ្ងៃ នូវ​ស​កម្មភាពចូ​លលួច​យកដែក​បំពង់ទី​បខ្នាតធំ​(ដែកសម្រាប់ធ្វើ​របាំង​ពុះចែ​កទ្រូងផ្លូវ)ជា​ច្រើនដើមរបស់​ក្រុមហ៊ុនសាងស​ង់ផ្លូវ​ជាតិលេខ៥ នៅចំ​ណុចភូមិកន្សៃ​បន្ទាយ ឃុំមោង ស្រុកមោងប្ញស្សី។

ជនសង្ស័យមានឈ្មោះ ពៅ ចំរើន ភេទប្រុស អាយុ៣៩ឆ្នាំ រស់នៅចំណុចកើតហេតុនេះ ។បើតាមររ​បាយការណ៍​ជនសង្ស័យម្នាក់នេះ បានធ្វើសកម្មភា​ពលួចយក​ដែកបំពង់ទីបនេះ កាលពីវេ​លាម៉ោង១​០និង២០នា​ទី​យប់ថ្ងៃទី២៥ ខែធ្នូ ខណៈដែលដែក​ទីបនោះ​ត្រូវក្រុមហ៊ុនយ​កទៅផ្ញើទុកបណ្ដោះ​អាស​ន្ន​នៅក្បែរផ្ទះ​ប្រជាពលរដ្ឋមួយកន្លែងនៅក្នុងភូមិខាងលើ ។ រាល់សកម្មភាព​ប្រព្រឹត្តអំពើចោរ​រូបនេះ បាន​ជាប់យ៉ាងច្បាស់នៅ​ក្នុងកាំមេរ៉ាសុវត្ថិភាព ទើបសមត្ថកិច្ចឈា​នដល់ការកំណត់មុខសញ្ញាបាន និងតាម​ឃាត់ខ្លួនជន​ដៃដល់តែម្ដង។នៅក្នុងកាំ​មេរ៉ាសុវត្ថិភាព គេឃើញជនដៃ​ដល់ឈ្មោះ ពៅ ចំរើន បានដើ​រចូលទៅលួ​ចលីដែកទីបនោះ ចេញពី​កន្លែងដែល​គេគរ​ទុកនៅក្នុង​បរិវេណផ្ទះយ៉ា​ងគគ្លើ​នក្រោម​ពន្លឺភ្លើង​ហ្វាភ្លឺចាំង​ចិញ្ចាចមើល​ឃើញ​យ៉ាងច្បាស់ក្រឡែតពីសកម្មភាពលោកចោរ។

បើតាមតំណាងក្រុមហ៊ុនសាងស​ង់ផ្លួវជាតិលេខ៥ នៅទីនោះបា​នប្រាប់សមត្ថកិច្ចថា ដែកទី​បនោះ​ត្រូវជ​នសង្ស័យខាង​លើលួចយ​កអស់ចំនួន១១ដើម ។ ក្នុងមួយដើមប្រវែង០២ម៉ែត្រ និងមាន​តំលៃ៥​៥ដុ​ល្លារ​ជាដែ​កទីបខ្នាត​ធំសម្រាប់ធ្វើរបាំងចែ​កផ្លូវជាតិលេខ៥។ តំណាង​ក្រុមហ៊ុន បានបញ្ជាក់ថា សកម្ម​ភាព​លួចរបស់ជនសង្ស័យ ត្រូវបានថតជាប់នៅក្នុងកាមេរ៉ាសុវត្ថិភាព ហើយ​ក្រោយពីពិ​និត្យឃើញ ទើប​ដាក់បណ្ដឹង​ទៅសមត្ថកិច្ច រហូតត្រូវ​សមត្ថកិច្ចតាមឃាត់ខ្លួនជនដៃដល់តែម្ដង។

នៅចំពោះមុខសមត្ថកិច្ចជនស​ង្ស័យបាន​សារភាពថា ខ្លួនពិតជាបាន​លួចយកដែកទីបរ​បស់ក្រុមហ៊ុនខាងលើ​មែន ពេលត្រូវបាន​ឃាត់ខ្លួន​យកទៅសួរនាំ។ វត្ថុតាង(ដែកទីប)ចំនួន១១ដើម ក៏ត្រូវបា​នដកហូតផង​ដែរ។ ពេលនេះមន្ត្រីជំនាញកំពុងសួរនាំ និងចាត់ការតាមនីតិវិធីច្បាប់ ៕

Leave a Reply

Your email address will not be published.