ខេត្តស្ទឹងត្រែង៖ឯកឧត្តម ស្វាយ សំអ៊ាង ប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង និងជាអភិបាល នៃគណៈអភិបាលខេត្ត កាលពីព្រឹកថ្ងៃព្រហស្បតិ៍ពុធ ១៤រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២២ ខែធ្នូ ឆ្នាំ២០២២ បានអញ្ជើញជាអធិបតីក្នុងទិវាពិភពលោកប្រយុទ្ធនឹងជំងឹ អេដស៏ ១ ធ្នូ ក្រោមប្រធាន បទ “ធ្វើអោយមានសមភាព” ។
ពិធីនេះបានប្រារព្ធធ្វើឡើងនៅក្នុងបរិវេនអាគារគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាសមាជិក សមាជិកាគណៈកម្មាធិការសាខា យុវជនកាកបាទក្រហម ជាច្រើនរូបផងដែរ។
ជាមួយគ្នានោះដែរ ប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង បាននាំនូវប្រសាសន៍ផ្តាំផ្ញើសាកសួរសុកទុកពីសំណាក់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជាដែលតែងតែយកចិត្តទុកដាក់គិតគូរអំពីសុខទុក្ខប្រជាពលរដ្ឋទាំងអស់ ដោយមិនទុកឲ្យពលរដ្ឋណាម្នាក់ស្លាប់ដោយសារអត់អាហារហូបនោះឡើយ។
ក្នុងឱកាសនោះដែរ ឯកឧត្តម ស្វាយ សំអ៊ាង បាននាំយកនូវអំណោយរបស់សាខាចែកជូនដល់ បងប្អូនដែលរស់នៅជាមួយ ជំងឺអេដស៍ ទាំង៣៧នាក់ ដោយក្នុងមួយម្នាក់ៗទទួលបាន អង្គរ ចំនួន ២៥ គីឡូ,ត្រីខចំនួន ០១ យួរ ,មី ០១ កេះ ,ឃីត ០១ ,ទឹកដោះគោ ០១ យួរ ,ស្ករសរ កន្លះគីឡូ និងថវិកា ចំនួន ៥០.០០០រៀលផងដែរ៕
