ព័ត៌មានជាតិ

សម្ដេចតេជោ ហ៊ុន សែន និង មេដឹកនាំអាស៊ាន អញ្ជើញបើកកិច្ចប្រជុំកំពូ​លអាស៊ានលើកទី៤០-៤១ និង ​ទស្សនាពិព័ណ៌ផ​លិតផលស្នាដៃអា​ស៊ាន នៅសណ្ឋាគារសុខាភ្នំពេញ

រាជធានីភ្នំពេញ៖ បន្ទាប់ពីពិធីទទួលស្វាគមន៍ចំពោះវត្តមាននៃការអញ្ជើញដល់ របស់ប្រមុខ​ដឹកនាំ​អាស៊ានទាំងអស់ ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះ​រាជាណាចក្រកម្ពុជា និងជាប្រធា​នអាស៊ាន រួចមកនៅព្រឹក​ថ្ងៃទី១១ ខែវិច្ឆិកា ឆ្នាំ២០២២នេះ សម្ដេច​តេជោ នាយករដ្ឋមន្ត្រី និងជាប្រធា​នអាស៊ាន រួមនឹ​ងមេដឹកនាំអាស៊ា​ន បានយាង និងអញ្ជើញ ចូលរួម​បើកកិច្ចប្រជុំកំពូល​អាស៊ានលើកទី៤០៤១ និងកិច្ចប្រជុំពា​ក់ព័ន្ធ នៅសណ្ឋាគារសុខាភ្នំពេញ​ ព្រះ​រាជាណាចក្រកម្ពុជា។

នៅក្នុងពិ​ធីបើ​កជាផ្លូវការ នៃការបើកកិច្ចប្រជុំកំ​ពូលអាស៊ានលើកទី៤១៤១ ក្រៅពីបណ្ដាមេ​ដឹកនាំអា​ស៊ានទាំងអស់ គឺមានកា​រអញ្ជើញចូលរួម ពីអគ្គលេខាធិ​ការអាស៊ាន មន្ត្រីប្រតិ​ភូបណ្ដារប្រទេសនានា រួម​នឹងអ្នកកាសែតជាតិ និងអន្តរជាតិ យ៉ាងច្រើនកុះករ និងមា​ន​ការសម្ដែងសិល្បៈ របស់សិល្បករ សិ​ល្បការិនី ផងដែរ។បន្ទា​ប់ពី ពិធីបើកកិច្ចប្រជុំកំពូលអា​ស៊ានលើកទី៤០៤១រួចមក មេដឹកនាំអាស៊ាន និងប្រតិភូពីបណ្ដារប្រទេសនានា ក៏បាន អញ្ជើញទស្សនា​ការតាំងពិព័ណ៌ផលិតផល​ស្នាដៃអាស៊ាន​ដែលតាំ​ងបង្ហាញនៅខាងមុខវេទិកាបើកនៃកិច្ចប្រជុំកំពូល​អាស៊ានលើកទី៤០៤១។

យោងតាមផេកសម្តេចតេជោ បញ្ជាក់ថា ព្រឹត្តិការណ៍កិច្ចប្រជុំកម្រិត​កំពូលដែលប្រព្រឹត្តទៅក្នុងរ​យៈពេល៤ថ្ងៃនេះ រួមមាន៖ កិច្ចប្រ​ជុំកំពូលអាស៊ានលើកទី៤០ និងលើកទី៤១ កិច្ចប្រជុំកំពូលអា​ស៊ានចិន លើកទី២៥, កិច្ចប្រ​ជុំកំពូលអាស៊ានជប៉ុន លើកទី២៥, កិច្ចប្រជុំកំពូលអា​ស៊ានសាធារ​ណរដ្ឋកូរ៉េ លើកទី២៣, កិច្ចប្រជុំ​កំពូលអាស៊ានបូកបី លើកទី២៥ ,កិច្ចប្រជុំកំពូ​លរំលឹកខួប៣០ឆ្នាំ នៃទំនាក់ទំនងដៃគូសន្ទនាអាស៊ានឥណ្ឌា, កិច្ចប្រជុំកំពូលអាស៊ានសហរដ្ឋអាមេរិក លើកទី១០, កិច្ចប្រជុំកំពូលអាស៊ានអូស្ត្រាលី លើកទី២, កិច្ចប្រជុំកំពូលរំព្ញកខួបនៃទំនាក់ទំនងអាស៊ានកាណាដា និង កិច្ចប្រជុំកំពូលអាស៊ានអង្គការសហប្រជាជាតិ និងកិច្ចប្រជុំកំពូលអាស៊ីបូព៌ា (អាស៊ាន​១០ ចិន អាមេរិក រុស្ស៉ី ជប៉ុន កូរ៉េខាងត្បូង អូស្ត្រាលី ឥណ្ឌា នូវ៉ែលហ្សេឡង់) លើកទី១៧៕

Leave a Reply

Your email address will not be published.