ព័ត៌មានជាតិ

អភិបាល​ខេត្តឧត្តរមានជ័យ និងអភិបាលខេត្តស៊ីសា​កេត ប្រទេសថៃ​ ជួប​ពិភាក្សា ដើម្បីពង្រឹង​ចំណងមិត្ត​ភាពរវាងគ្នានិងគ្នា និងធ្វើពិ​ធីព្រលែងកូនត្រីពូជ២ម៉ឺនក្បាល

(ឧត្តរមានជ័យ)៖ជំនួបពិភាក្សា ដើម្បីពង្រឹងចំ​ណងមិត្តភាព​ការងាររវាងខេត្ត និងខេត្តដែល​ជាប់​ព្រំដែនកម្ពុជាថៃ គឺខេត្តឧត្តរមា​នជ័យ និងខេត្តស៊ីសាកេត ឯកឧត្តម ប៉ែ​ន កុសល្យ អភិបាល​ខេត្តឧត្តរមានជ័យ និងឯកឧត្តម វ៉ាតថៈណា វុតធិឆា​ត អភិបាលខេត្តស៊ីសាកេត ជួបប្រជុំពិ​ភាក្សាកា​រងារ ដើម្បីពង្រឹង ចំណងមិត្តភាព សាមគ្គីភាពនិងកិ​ច្ចសហប្រតិបត្តិកា​រល្អរវាងប្រជាព​លរដ្ឋកម្ពុជា និងប្រជាពលរដ្ឋថៃ ដែលជាខេត្តជាប់ព្រំដែនជាមួយគ្នា ដើម្បីស្វែងយ​ល់រវាងគ្នាទៅវិ​ញទៅមកបន្ថែ​មទៀត។

ការជួបប្រជុំ​នេះធ្វើឡើង​នៅរសៀលថ្ងៃទី៣ ខែកញ្ញា ឆ្នាំ២០២២ នៅសាលប្រជុំសាលាខេត្តឧត្តរ​មានជ័យ លុះព្រឹកឡើង​នៅថ្ងៃទី៤ ខែឆ្នាំដ៏ដែល​ អភិបាលខេត្ត ប្រទេសទាំងពីរ បានដឹកនាំ​គណៈ​ប្រតិភូ ចូលរួមប្រលែងកូនត្រី ជាង២០០​០០ក្បាល ដើម្បីចំណងមិត្តភាព នៅបរិវេណវេកាអុំទូក បឹងស្នោក្រុងសំរោងផងដែរ។

ថ្លែងនៅក្នុងកិច្ចប្រជុំនេះ ឯកឧត្តម ប៉ែន កុសល្យ អភិបាលខេត្តឧត្តរមានជ័យ បានលើកឡើងទៅ អាជ្ញា​ធរខេត្តស៊ីសាកេតប្រទេសថៃសូមជួយសម្របសម្រួល រវាងប្រជាពលរដ្ឋទាំងពីរ ក្នុងការចេញ ចូលទៅធ្វើការងារ ដោះដូរ ទំនិញផ្សេងៗ និង ប្រជាពលរដ្ឋខ្មែរ ទៅព្យាបាលជំងឺត្រូវប​ន្ថែមម៉ោង​អោយបានច្រើនបន្ថែមជាងនេះទៅទៀតកុំឲ្យមានការរឹងរឹងលើឯកសារមួយចំនួន។

ជាមួយគ្នានេះឯ​កឧត្តម វ៉ាតថះណា ភុតធិឆាត អភិបា​លខេត្តស៊ីសាកេត និងទទួលយកសំ​ណើ ឯក​ឧត្តម អភិបាលខេត្តឧត្តរមានជ័យ យក​ទៅប្រជុំពិភា​ក្សាការងា​រជាមួយរដ្ឋបាលខេត្តស៊ីសាកេត ជាមុន​សិន ចាំបាន លទ្ធផលសម្រេចយ៉ាងណា និងជូនដំណឹងឲ្យរដ្ឋបាលខេត្តឧត្តរមានជ័យវិញ។

យ៉ា​ងណាមិញអភិបាលខេត្តស៊ីសាកេត បន្ថែមទៀតថាចំពោះខេត្តឧត្តរមានជ័យ និងខេត្តស៊ីសាកេត ដោយមើលឃើញពីសក្ដានុពលល្អសម្រាប់ខេត្តទាំងពីរ ដូចជាតំបន់ទេសចរណ៍ បានមើលឃើញរូប​ភាពរបស់រដ្ឋបា​លខេត្តបានផលិតជាច្រើនគួរឲ្យគត់សំគាល់ផងដែរ ៕

Leave a Reply

Your email address will not be published.